பத்து எண்றதுக்குள்ள தலைப்பின் ரகசியம் சொல்கிறார் விஜய் மில்டன் !!

ஐ படத்தின் நீண்ட படபிடிப்பை தொடர்ந்து நடிகர் விக்ரம், விஜய் மில்டன் இயக்கத்தில் பத்து எண்றதுக்குள்ள என்ற படத்தில் நடித்து வருகிறார்.

இந்த படத்தில் விக்ரமுக்கு ஜோடியாக சமந்தா நடிக்கிறார். இந்த படத்தின் தலைப்பு குறித்து விஜய் மில்டனிடம் கேட்டபோது, அதற்கு அவர் கூறியதாவது.

இந்த படத்தின் படபிடிப்புகள் அனைத்தும் முடியும் தருவாயில் உள்ளது. இரண்டு பாடல்களும், க்ளைமாக்ஸ் காட்சிகள் மட்டுமே இன்னும் பாக்கி. வாகனங்களில் செல்வோருக்குதான் ஒவ்வொரு வினாடியும் முக்கியம் என்பது தெரியும். 600மைல் வேகத்தில் செல்லும் விமானிக்கு சில வினாடிகள்கூட முக்கியம்தான். தொலைவில் குறுக்கே ஏதாவது வரும் போது அந்த வினாடியில் அவர்கள் சிந்தனை செயல்படும் வேகம் மிக முக்கியம்.

காரில் 140கி.மீ வேகத்தில் போகும் போது சில வினாடிகள் கூட முக்கியம்தான். '10 எண்றதுக்குள்ள' என்கிற இந்த வார்த்தை பல இடங்களில், பல சூழல்களில் பிரபலம். எனவே வேகம் நேரம் இவற்றைக் குறிக்கும் வகையில் அதை தலைப்பாக வைத்தோம் என படத்தலைப்பின் ரகசியம் சொல்கிறார் விஜய் மில்டன்.