|
|||||
காச நோயாளிகளின் எண்ணிக்கையில் இந்தியா முதலிடம் !! கடந்தாண்டில் மட்டும் 2.7 லட்சம் பேர் பலி !! |
|||||
இந்தியாவில், சுமார் பத்து லட்சம் பேருக்கு, மிக மோசமாக காச நோய் பாதிப்பு இருப்பதாக, உலக சுகாதார நிறுவனம் வெளியிட்டுள்ள அறிக்கையில் கூறியுள்ளது.
காச நோயின் தாக்கம் குறித்து, உலக சுகாதார நிறுவனம், ஒவ்வொரு ஆண்டும், உலகம் முழுவதும் ஆய்வு நடத்தி, அதன் அறிக்கைகளை வெளியிடுகிறது. இதன் படி இந்த ஆண்டிற்கான அறிக்கை, சமீபத்தில் வெளியிடப்பட்டுள்ளது, இந்த அறிக்கையில் கூறப்பட்டுள்ள சில அதிர்ச்சி தகவல்கள் பின்வருமாறு,
உலகில் உள்ள காச நோயாளிகளில், இந்தியாவைச் சேர்ந்தவர்களின் பங்கு மட்டும், 31 சதவீதம்.
இந்தியாவில் சுமார் 10 லட்சம் பேர் மிக மோசமான காச நோயால் பாதிக்கப்பட்டுள்ளனர்.
காச நோயால் அதிகம் பாதிக்கப்பட்ட நாடுகளில், இந்தியா முதலிடத்தை வகிக்கிறது. அதனை தொடர்ந்து, தென் ஆப்பிரிக்கா, வங்க தேசம், பாகிஸ்தான், இந்தோனேசியா, சீனா, காங்கோ, நைஜீரியா, பிலிப்பைன்ஸ், மியான்மர் ஆகிய நாடுகள் இடம் பெற்றுள்ளன.
இந்தியாவில் மட்டும், காசநோயால் மிக மோசமாக பாதிக்கப்பட்டு, கடந்தாண்டில் மட்டும் 2.7 லட்சம் பேர் இறந்து உள்ளனர். மேலும், காசநோயால் பாதிக்கப்பட்டவர்களில் பெரும்பாலானோர், அதற்கான சிகிச்சையை பெறாமலேயே, இருந்து வருகின்றனர். |
|||||
by Swathi on 25 Oct 2013 0 Comments | |||||
Tags: காச நோய் இந்தியா 10 லட்சம் பேர் 2.7 லட்சம் பேர் பலி UN Report 10 Lakhs People Phthisis | |||||
கருத்துகள் | |
|
உங்கள் கருத்துகள் பதிவு செய்ய | ||
|