27 நட்சத்திரக் கோயில்கள் !

  இந்த உலகில் பிறக்கும் அனைத்து மனிதர்களும் ஏதாவது ஒரு நட்சத்திர நாளில் தான் பிறக்கிறார்கள். அஸ்வினி முதல் ரேவதி வரை மொத்தம் 27 நட்சத்திரங்கள் உள்ளன. இந்த நட்சத்திரங்களில் பிறந்தவர்கள் அவர் அவருடைய நட்சத்திரங்களுக்கு உரிய கோயிலில் சென்று வழிபடுவது வாழ்வில் மிகுந்த நற்பலன்களைத் தரும். ஒவ்வொருவருக்கும் பிடித்த கடவுளையோ, குலதெய்வத்தையோ வழிபடுவதோடு அவரவர் பிறந்த நட்சத்திரத்திற்கு உரிய கோயில் வழிபாடும் மிகவும் அவசியமாகும். இது அனுபவத்தில் கண்ட உண்மை. 27 நட்ச்திரங்களுக்குரிய லிங்கங்கள் உள்ள கோயில்கள் தமிழ்நாட்டில் இரண்டு உள்ளன. அங்கும் சென்று அவரவருடைய நட்சத்திர லிங்கத்திற்கு குறிப்பிட்ட நட்சத்திர நாளில் சென்று பூஜை செய்து வழிபடுவதும் நன்மை தரும். அந்த இரண்டு கோயில்களில் ஒன்று சென்னை திருவொற்றியூரில் உள்ள அருள்மிகு வடிவுடை அம்மன் உடனுறை தியாகராஜ சுவாமிகள் எனப்படும் ஆதிபுரீஸ்வரர் என்றும் அல்லது படம் பக்க நாதர் என்றும் அழைக்கப்படும் சிவன் கோவில் ஆகும். இது இந்து மதத்தில் வேத சாத்திர  முறைப்படி கட்டப்பட்ட முதல் கோயிலாகக் கருதப்படுகிறது. 27 நட்ச்திரங்களுக்குரிய லிங்கங்கள் உள்ள இரண்டாவது கோயில் திருவிடைமருதூரில் உள்ள சிவன் கோயிலாகும்.

ஒவ்வொரு நட்சத்திரத்திற்கும் உரிய கோயில்கள், இறைவன் பெயர், கோயில் இருக்கும் ஊர் ஆகியவை கீழே கொடுக்கப்பட்டுள்ளன.