வரும் ஏப்ரல் மாதத்தின் முதல் வாரம் தமிழ் சினிமா ரசிகர்களுக்கு ஒரு மிகப்பெரிய விருந்தாக அமையப்போகிறது. ஏனென்றால், அன்றைய தினம் மட்டும் ஓரளவுக்கு எதிர்பார்ப்பு கொண்ட நான்கு படங்கள் வெளியாகிறது.
நண்பேன்டா
உதயநிதி ஸ்டாலின், சந்தானம், நயன்தாரா நடிப்பில் வெளியாக இருக்கும் படம் நண்பேன்டா. யு சான்றிதழை பெற்ற இந்த படம் வரும் ஏப்ரல் 2 -ஆம் தேதி ரிலீசாகவிருக்கிறது.
கொம்பன்
குட்டிப்புலி படப் புகழ் முத்தையா இயக்கியிருக்கும் இப்படத்தில் கார்த்திக்கு ஜோடியாக லட்சுமி மேனன் நடித்திருக்க இவர்களுடன் ராஜ்கிரண், கோவை சரளா என பலர் நடித்துள்ளனர். ஜி.வி.பிரகாஷ் இசை அமைத்துள்ள இப்படத்தின் பாடல்கள் சமீபத்தில் வெளியாகி ரசிகர்களிடையே நல்ல வரவேற்பை பெற்றுள்ளது. இம்மாதம் 27-ஆம் தேதி ரிலீசாகவிருந்த கொம்பன் படம் ஒரு சில காரணங்களால் ஏப்ரல் 2-ஆம் தேதியில் ரிலீசாகிறதாம்.
பூலோகம்
ஒரு குத்துச் சண்டை வீரனை மையப்படுத்தி உருவாகியிருக்கும் இந்த படத்தில் ஜெயம் ரவியும், திரிஷாவும் நடித்துள்ளார்கள். நீண்ட நாட்கள் தயாரிப்பில் இருந்த இந்த படமும், ஏப்ரல் 2 -ஆம் தேதி ரிலீசாகிறது.
சகாப்தம்
நடிகர் விஜயகாந்த்தின் இளைய மகன் சண்முக பாண்டியன் கதாநாயகனாக அறிமுகமாகும் படம் 'சகாப்தம்'. நாயகிகளாக 'மிஸ் இந்தியா' பட்டம் வென்ற நேகாவும், 'மிஸ் பெங்களூரு' பட்டம் வென்ற சுப்ரா ஐயப்பாவும் அறிமுகம் ஆகிறார்கள். அறிமுக இயக்குநர் சுரேந்தர் இயக்கி உள்ள இப்படத்தை கேப்டன் சினி கிரியேஷன்ஸ் சார்பில் மிகுந்த பொருட்செலவில் தயாரித்திருக்கிறார்கள் இந்த படமும், ஏப்ரல் 2 -ஆம் தேதி ரிலீசாகிறது.
ஆக ஏப்ரல் 2 - ல் களம் இறங்கும் இந்த நான்கு படங்களில் எந்தப்படம் ரசிகர்களின் மனதை கவர்ந்து வெற்றி வாகை சூடப்போகிறது என்பதை பொறுத்திருந்து தான் பார்க்கவேண்டும்.
|