இந்திய ரயில்வேயின் பயணச் சீட்டு முன் பதிவு செய்யும் இணையதளமான ஐஆர்சிடிசி இணைய தளம் மூலம் நேற்று முன் தினம் ஒரு நாளில் மட்டும் 5.80 லட்சம் ரயில் டிக்கெட்டுகள் விற்பனை ஆகி உள்ளன. இது புதிய சாதனையாகும்.
இதற்கு முன் கடந்த 2013 ஆம் ஆண்டு செப்டம்பர் 2 ஆம் தேதியன்று ஐஆர்சிடிசி இணையதளம் மூலம் 5.72 லட்சம் டிக்கெட்டுகள் விற்றதுதான் இதுவரை சாதனையாக இருந்துவந்தது. இத்தகவலை ஐஆர்சிடிசி செய்தி தொடர்பாளர் தெரிவித்தார்.
மேலும் தற்போது தினமும் சராசரியாக 9.47 லட்சம் பயணிகளுடன், 4.63 லட்சம் டிக்கெட்டுகள் முன்பதிவு செய்யப்படுவதாகவும், இது கடந்த 2013 ஆம் ஆண்டு 6.86 லட்சம் பயணிகளுடன் 3.85 லட்சம் டிக்கெட்டுகளாக இருந்ததாகவும் கூறினார்.
|