|
|||||
ஐந்து மாநிலங்களுக்கான சட்டசபை மற்றும் ஏற்காடு தொகுதி இடைத்தேர்தலுக்கான தேதி அறிவிப்பு !!! |
|||||
மத்திய பிரதேசம், ராஜஸ்தான், டில்லி, சத்தீஸ்கர், மிசோரம், ஆகிய ஐந்து மாநிலங்களுக்கான சட்டசபை தேர்தல் தேதிகள் நேற்று அறிவிக்கப்பட்டுள்ளன. இந்த தேர்தலில் சில முக்கிய அம்சங்கள் பின்வருமாறு,
தேர்தல் தேதி :
சத்தீஸ்கர் சட்டசபை தேர்தல்(90 உறுப்பினர்கள்) - நவம்பர் 11 மற்றும் 19 தேதி
மத்திய பிரதேசம் சட்டசபை தேர்தல் (230 உறுப்பினர்கள்) - நவம்பர் 25 தேதி
ராஜஸ்தான் சட்டசபை தேர்தல்(200 உறுப்பினர்கள்) - டிசம்பர் 1 ந்தேதி
டெல்லி சட்டசபை தேர்தல் (70 உறுப்பினர்கள்) - டிசம்பர் 4 ந்தேதி
மிசோரம் சட்டசபை தேர்தல் (40 உறுப்பினர்கள்) - டிசம்பர் 4 ந்தேதி
தமிழகத்தின் ஏற்காடு சட்டசபை தொகுதி இடைத்தேர்தலும், குஜராத்தில், ஒரு சட்டசபை தொகுதிக்கான இடைத்தேர்தலும் - டிசம்பர் 4 ந்தேதி
தேர்தல் முடிவுகள் :
அனைத்து தொகுதிகளிலும் பதிவான வாக்குகள் டிசம்பர் 8ம் தேதி எண்ணப்பட்டு, அன்று மாலையே, முடிவுகள் அறிவிக்கப்படும்.
தேர்தல் செலவு கணக்குகளை கண்காணிக்கவும், மதிப்பீடு செய்யவும், பார்வையாளர்கள் நியமிக்கப்படுவர்.
சமீபத்திய உச்சநீதி மன்றத்தின் உத்தரவுபடி, தேர்தலில் போட்டியிடும் வேட்பாளர்கள் எவரும், தங்களுக்கு பிடிக்கவில்லை என்றால், 'யாருக்கும் ஓட்டளிக்க விரும்பவில்லை' என்பதற்கான, பொத்தான், மின்னணு ஓட்டுப் பதிவு இயந்திரங்களின், மேல் பகுதியில் அமைக்கப்படவுள்ளது.
தேர்தலின் சில முக்கிய அம்சங்கள் :
ஐந்து மாநிலங்களிலும், 11.3 கோடி வாக்காளர்கள் வாக்களிக்க உள்ளனர்.
தேர்தல் தேதிகள் அறிவிக்கப்பட்டுள்ளதை அடுத்து, தேர்தல் நடத்தை விதிமுறைகள், உடனடியாக அமலுக்கு வருகின்றன. இதனால், அரசியல் கட்சிகள் வாக்காளர்களை கவரும் வகையிலான, இலவச மற்றும் சலுகை அறிவிப்புகளை வெளியிடக் கூடாது.
தேர்தலில், பண பலத்தை தடுக்கும் வகையில், வங்கிகளில், சந்தேகத்திற்கிடமான முறைகளில் நடக்கும், பணப் பரிமாற்றங்கள் கண்காணிக்கப்படும்.
தேர்தல்களின்போது வாக்குபதிவு சதவீதம் குறைந்தால், அதற்கான காரணம் குறித்து விசாரணை நடத்த உத்தரவிடப்படும்.
முதல் முறையாக, வாக்காளர்களுக்கு, வேட்பாளர்களை நிராகரிக்கும் உரிமை வழங்கப்பட்டுள்ளதால், அரசியல் கட்சிகளுக்கு கடும் நெருக்கடி ஏற்பட்டுள்ளது. |
|||||
by Swathi on 04 Oct 2013 0 Comments | |||||
Tags: ஐந்து மாநில சட்டசபை தேர்தல் ஏற்காடு தொகுதி இடை தேர்தல் 5 State Assembly | |||||
|
கருத்துகள் | |
|
உங்கள் கருத்துகள் பதிவு செய்ய | ||
|