டெல்லியில் ஆட்சியமைக்க ஆம் ஆத்மி கட்சியின் 18 நிபந்தனைகள் !!

காங்கிரஸ் - பா.ஜனதா ஆதரவுடன் டெல்லியில் ஆம் ஆத்மி கட்சி ஆட்சியமைக்க வேண்டுமெனில், தங்களது 18 நிபந்தனைகளை ஏற்றுக்கொள்ள வேண்டும் என அவ்விரு கட்சிகளுக்கும் அரவிந்த் கெஜ்ரிவால் கடிதம் எழுதியுள்ளார். 

ஆம் ஆத்மி கட்சியின் நிபந்தனைகள் பின்வருமாறு,

டெல்லிக்கு முழு மாநில அந்தஸ்து அளிக்கப்பட வேண்டும், 

டெல்லியில் விஐபி-க்கள் கலாச்சாரம் நிறுத்தப்பட வேண்டும்; எம்.எல்.ஏ., அமைச்சர், டெல்லி அதிகாரிகள் சுவப்பு சுழல் விளக்குகளை பயன்படுத்துவதை நிறுத்த வேண்டும்; 

ஜன் லோக்பால் மசோதாவை அன்னா ஹசாரே சொன்ன வடிவத்திலேயே நிறைவேற்ற வேண்டும்; 

மின்சார மீட்டர்கள் பரிசோதிக்கப்பட வேண்டும்; 

டெல்லியில் சில்லரை வர்த்தகத்தில் அன்னிய முதலீட்டை ஆம் ஆத்மி கட்சி அனுமதிக்காது; 

டெல்லியில் இருக்கும் கிராமங்களை சேர்ந்த விவசாயிகளுக்கு மானியங்களை அளிக்கவும், அவர்களுக்கு தேவையான வசதிகளை செய்துகொடுக்கவும் ஆம் ஆத்மி கட்சி விரும்புகிறது; 

டெல்லியில் 500 அரசு பள்ளிகளை திறக்கவும், தனியார் பள்ளிகளில் நன்கொடை கொடுப்பதற்கு முற்றுப்புள்ளிவைத்து, கல்விக்கட்டணத்தை வெளிப்படையாக செலுத்தும் முறையை அமல்படுத்துவது குறித்தும் உங்களது கட்சியின் நிலையை தெளிவாக தெரிவிக்க வேண்டும்; 

டெல்லியில் பெண்களுக்கு சிறப்பு பாதுகாப்பு அளிக்கப்பட வேண்டும், பெண்களுக்கு இழைக்கப்படும் கொடுமைகளுக்கு எதிரான வழக்குகள் அனைத்தும் 3 மாத காலத்திற்குள் விசாரித்து முடிக்கப்பட வேண்டும்.

ஒவ்வொரு காலனி உட்பட அனைத்து நிலைகளிலும் மொஹல்லா சபாக்கள் உருவாக்கப்பட்டு அவையே தீர்மானிக்க வேண்டும். 

ஒருநாளைக்கு 220 லிட்டர் நீர் வழங்கப்பட வேண்டும்.

ஒழுங்குபடுத்தாத காலனிகள் முறைப்படுத்துதல் அவசியம். 

குடிசைவாழ் மக்களுக்கு கட்டப்பட்ட வீடுகள் வழங்கப்பட வேண்டும். 

தற்காலிக பணியாளர்களுக்கு நிரந்தர வேலை வழங்கப்பட வேண்டும். 

ஒவ்வொரு சாதாரண வர்த்தகருக்கும் சாலைகள், மின்சாரம், நீர் போன்ற அடிப்படை வசதிகள் செய்ய வேண்டும்.  

நவீன வசதிகளுடன் கூடிய புதிய அரசு மருத்துவமனைகள் திறப்பது 

அனைத்து வழக்குகளையும் 6 மாத காலத்துக்குள் தீர்வு காணும் வகையில் நீதித்துறையை மேம்பாடு செய்தல்.