|
|||||
ஆரம்பம் - திரைவிமர்சனம் !! |
|||||
நடிகர் : அஜீத், ஆர்யா
நடிகைகள் : நயன்தாரா, டாப்சி
இயக்கம் : விஷ்ணுவர்தன்
தயாரிப்பு : ஏ.எம் ரத்தினம்
இசை : யுவன் சங்கர் ராஜா
படத்தின் ஆரம்பமே மும்பையில் மூன்று இடங்களில் குண்டு வெடிக்கிறது. இந்த குண்டுகளை வைத்தது யார் தெரியுமா? தல அஜீத்தான். கம்ப்யூட்டர் ப்ரோக்கிராமில் கில்லாடியாக வரும் ஆர்யா, தன் காதலி டாப்சிக்காக வெளிநாட்டு வேலைகளை உதறி தள்ளிவிட்டு சென்னையே கதியென்று கிடக்கிறார். ஆர்யாவை ஒரு நாசவேலைகாக, திட்டம் போட்டு தூக்குகிறது அஜித் டீம். இவர்களிடம் இருந்து தப்பிக்க முயற்சித்து தோற்றுப் போகும் ஆர்யாவாவின் சாமார்த்தியத்தால் ஒரு கட்டத்தில் அஜித் போலீசாரின் கையில் சிக்கிக் கொள்கிறார். இறுதியில் போலீசில் சிக்கிய அஜீத் என்ன ஆனார்? அஜீத் மும்பையில் குண்டுவைக்க காரணம் என்ன? என்பதை அரசியல்வாதிகளின் ஊழலை மையப்படுத்தி விறுவிறுப்பாக சொல்வதுதான் மீதி கதை.
படம் தொடங்கியதும், மும்பையில் குண்டுவெடிப்பு நிகழ, அப்போதே படத்தில் பரபரப்பு தொற்றிக் கொள்கிறது. பிறகு ஆர்யா அறிமுகம் படத்தை சுலோவாக்கினாலும், அஜீத்திடம், ஆர்யா மாட்டிக்கொள்ளும் போது படம் மீண்டும் விறுவிறுப்படைகிறது.
துவக்கத்தில் குண்டு வைப்பது, தேவையில்லாமல் சுட்டு தள்ளுவது, குழந்தைகளை வைத்து பெற்றோர்களை மிரட்டுவது என அஜீத் டெரர்ரான கதாபாத்திரத்தில் வந்திருந்தாலும், அவை எல்லாமே சரிதான் என்பதை நம்மை ஒத்துக் கொள்ள வைத்திருக்கும்படியான திரைக்கதையை அமைத்திருக்கிறார் விஷ்ணுவர்தன்.
படம் துவங்கியதிலிருந்து சில மணித்துளிகள் வருவது அஜித்தா என்று நம்பவே முடியவில்லை. மங்காத்தா அளவுக்கு ஸ்டைலிஷாக படம் முழுவதும் அஜித் வலம்வரவில்லை என்றாலும் கதாபத்திரத்திற்கு ஏற்றாற் போல் வந்திருக்கிறார்.
அஜீத் கூடவே இருக்கும் நயன்தாரா, ரொம்ப வெயிட்டான ரோலை அசால்டாக செய்திருக்கிறார். அதிலும் வில்லனை சிறைவைக்கும் காட்சியில், தியேட்டரில் படம் பார்ப்பவர்களின் பல்ஸை எகிறவைத்திருக்கிறார்.
ஆர்யாவும், டாப்சியும் தங்களுக்கு கொடுத்த கதாபாத்திரங்களை சிறப்பாக செய்துள்ளனர். உள்துறை அமைச்சராக வரும் மகேஷ் மஞ்ச்ரேகர், தனது முகபாவனைகளாலும், நடிப்பாலும் சில இடங்களில் ரசிக்க வைத்திருக்கிறார். படத்தின் கிளைமாக்ஸில் அமைச்சருடன் பேசும் காட்சி வசனங்களில் அரசுகளின் ஊழலை பின்னி பெடல் எடுத்துவிடுகிறார்கள்.
யுவன் இசையில் பாடல்களை பிரமாண்டமாக படம் பிடித்திருக்கிறார்கள். பின்னணி இசை சொல்லவே தேவையில்லை..
இந்த படம், அஜீத் ரசிகர்களுக்கு நல்ல தீபாவளி பரிசாக இருக்கும் என்பதில் சந்தேகமே இல்லை. மேலும் ஊழல் செய்த அரசியல்வாதிகளை கிழி கிழியென கிழித்திருப்பது படத்திற்கு சபாஸ் சொல்ல வைக்கிறது.
மொத்தத்தில் "ஆரம்பம்" தீபாவளிக்கு சரவெடி வசூல்தான்..... |
|||||
Aarambam Ajith with Arya Still | |||||
by Swathi on 31 Oct 2013 1 Comments | |||||
Tags: Aarambam Aarambam Review Aarambam Movie ஆரம்பம் ஆரம்பம் விமர்சனம் | |||||
கருத்துகள் | |||||
|
உங்கள் கருத்துகள் பதிவு செய்ய | ||
|