ஆரம்பம் படத்தை தொடர்ந்து இயக்குனர் விஷ்ணுவர்தன் இயக்கத்தில் உருவாக்கி வரும் புதிய படம் யட்சன்.
இந்த படத்தில் ஆர்யா - கிருஷ்ணா நாயகர்களாக நடித்து வருகின்றனர். இந்த படத்தில் நடிகர் அஜீத் கெஸ்ட் ரோலில் நடிக்க போவதாக செய்திகள் தற்போது வெளியாகியுள்ளது.
இந்த யட்சன் படத்தை இயக்கும் விஷ்ணுவர்தன், ஏற்கனவே அஜீத் நடித்த பில்லா, ஆரம்பம் ஆகிய படங்களை இயக்கியவர். அதோடு ஆரம்பம் படத்தில் அஜீத்துடன் ஆர்யாவையும் நடிக்க வைத்தார்.
இந்த நிலையில், யட்சன் படத்தில் ஆர்யா, அஜீத்தின் ரசிகராகவே நடிப்பதால் ஒரு காட்சியில் அவர் நடித்தால் சிறப்பாக இருக்கும் என்று கருதிய விஷ்ணுவர்தன் இதுபற்றி அஜீத்திடம் கேட்டாராம்.
அதற்கு, கெளதம்மேனன் இயக்கும் படத்துக்காக கெட்டப்பை மாற்றி நடித்துக் கொண்டிருக்கிறேன். அதனால் இது சம்பந்தப்பட்ட காட்சிகள் படமாக்கப்பட்டதும் கண்டிப்பாக நடிக்கிறேன் என்று அஜீத் உறுதியளித்துள்ளாராம்.
|