அஜீத் ஒரு ரியல் சூப்பர் ஸ்டார் : சொல்கிறார் அருண் விஜய் !!

வீரம் படத்தை தொடர்ந்து, நடிகர் அஜீத் தற்போது, கௌதம் மேனன் இயக்கத்தில் பெயரிடப்படாத ஒரு புதிய படத்தில் நடித்து வருகிறார்.

இந்த படத்தின் அஜீத்துக்கு ஜோடியாக அனுஷ்கா, திரிஷா நடித்து வருகிறார்கள். அதுமட்டுமல்லாமல், இது வரை கதாநாயகனாக நடித்து வந்த அருண் விஜய் இந்த படத்தின் மூலம் முதன் முறையாக வில்லனாக அறிமுகமாகிறார். 

அஜீத்துடன் இணைந்து நடிக்கும் அருண் விஜய், அஜீத் ஒரு உண்மையான சூப்பர் ஸ்டார் என்று கூறியிருக்கிறார். 

இதைப்பற்றி அருண் விஜய், தனது டுவிட்டர் பக்கத்தில், அஜீத்தை பற்றி நிறைய கேள்வி பட்டிருக்கிறேன். ஆனால் நெருங்கி பழகினது இல்லை. அவருடன் பழகியதில் அவர் ஒரு ரியல் சூப்பர் ஸ்டார். அவர் எதையும் போலியாக செய்ய மாட்டார். அவருடைய ஒவ்வொரு செயலையும் நான் நேசிக்கிறேன் என்று அஜீத்தை புகழ்ந்து தள்ளி இருக்கிறாராம். 

வரும் பொங்கலுக்கு வெளியாக இருக்கும் இந்த படத்தின், படத்தின் டிரைலர்களையும், பாடல்களையும், படத்தின் பெயரையும் விரைவில் அறிவிக்க உள்ளனர்.