கவுதம் மேனன் இயக்கத்தில் என்னை அறிந்தால் படத்தை தொடர்ந்து நடிகர் அஜித், சிவா இயக்கத்தில் நடிக்க இருக்கிறார்.
இந்த படத்தில் அஜித்துக்கு ஜோடியாக ஸ்ருதி ஹாசன் நடிக்க இருப்பதாக சொல்லப்படுகிறது. படத்திற்கு ஜி.வி பிரகாஷ் இசை அமைக்க, ஏ.எம்.ரத்னம் படத்தை தயாரிக்கிறார்.
மேலும், அஜீத்தின் ஆரம்பம், என்னை அறிந்தால் படங்களின் டைட்டீலை படம் திரைக்கு வரும் நேரத்தில் வெளியிட்ட நிலையில், சிவாவோ, வீரம் டைட்டீலை முன்னரே அறிவித்து விட்டார். அதேபோல் இந்த முறையும் படப்பிடிப்பு ஆரம்பிக்கும்போதே டைட்டீலை அறிவிக்க திட்டமிட்டிருக்கிறாராம் சிவா. இதற்காக நூற்றுக்கணக்கான டைட்டீல்களை பரிசீலித்து இறுதியாக அச்சமில்லை என்ற தலைப்பினை முடிவு செய்து வைத்திருக்கிறார்களாம். விரைவில் இது குறித்த அதிகாரப்பூர்வமான அறிவிப்பு வெளியாகும் என எதிர்பார்க்கப்படுகிறது.
|