இணையதளத்தில் பொருள் வாங்கிய அரை மணிநேரத்தில், ‘ஆக்டோகாப்டர்’என்ற குட்டி விமானம் மூலம் வாடிக்கையாளர்களுக்கு பொருட்களை சப்ளை செய்யும் முயற்சியில் அமெரிக்க வர்த்தக நிறுவனம் அமேசான் ஈடுபட்டுள்ளது.
பிரபல வர்த்தக நிறுவனமான அமேசான். பொம்மைகள், புத்தகம், கணினி போன்றவற்றை ஆன்லைனில் விற்பனை செய்து வருகிறது. இந்நிறுவனம் தனது வாடிக்கையாளர்களுக்கு மிக விரைவில் பொருட்களை வழங்கும் முயற்சியில் தற்போது இறங்கியுள்ளது. இதற்காக ‘ஆக்டோகாப்டர்’ என்ற ஆளில்லா குட்டி விமானத்தை(மினி ட்ரோன்) உருவாக்கியுள்ளது. இந்த குட்டி விமானத்தில் உள்ள பெட்டியில் வாடிக்கையாளர் வாங்கும் 2.3 கிலோ எடைக்கு உட்பட்ட பொருட்களை வைத்து அனுப்ப முடியும். ஜிபிஎஸ் கருவி மற்றும் மின் மோட்டார் உதவியுடன் இயங்கும் இந்த ஆக்டோகாப்டர் அமேசான் மையங்களில் இருந்து 16 கிலோ மீட்டர் சுற்றளவில் உள்ள பகுதிகளில் வசிக்கும் வாடிக்கையாளர்களிடம் அரை மணி நேரத்தில் பொருட்களை டெலிவரி செய்து விடும். இந்த புதிய டெலிவரி திட்டம் முழுவதுமாக அமலாக சும்மார் 4 முதல் 5 ஆண்டுகள் ஆகலாம் என அமேசான் நிர்வாக அதிகாரிகள் தெரிவித்துள்ளனர்.
|