அந்தமான் அருகே படகு விபத்து !! 21 பேர் பலி !! 9 பேரை காணவில்லை !!

அந்தமான் தீவு அருகே உள்ள வைப்பார் தீவு கடல் பகுதியில் சுற்றுலா படகு கவிழ்ந்த விபத்தில் 21 சுற்றுலாப் பயணிகள் உயிரிழந்துள்ளனர். விபத்துக்குள்ளான படகில் காஞ்சிபுரம் மாவட்டத்தைச் சேர்ந்த 32 பேர் பயணம் செய்துள்ளனர்.

மொத்தம் 43 பயணம் செய்துள்ள இந்த படகில் 9 பேரை மட்டும் இதுவரை காணவில்லை என கூறப்படுகிறது. 13 பேர் மீட்கப்பட்டுள்ளனர். 

அந்தமான் அருகே உள்ள தீவு பகுதிகளை சுற்றிப்பார்த்து விட்டு போர்ட் பிளேயர் திரும்பிய போது இந்த விபத்து நிகழ்ந்துள்ளதாக தெரிவிக்கப்பட்டுள்ளது. 

இந்த படகில் காஞ்சிபுரம் மாவட்டத்தைச் சேர்ந்த 32 சுற்றுலாப் பயணிகளும் இருந்துள்ளதாக சொல்லப்படுகிறது. இதைத் தவிர மற்ற மாநில பயணிகளும் பயணித்துள்ளனர். காயமடைந்தவர்கள் போர்ட் பிளேயர் அரசு மருத்துவ மனையில் சிகிச்சைப் பெற்று வருகின்றனர். இந்த விபத்து குறித்து விபரங்களை அறிய 03192-238881 என்ற உதவி எண் அறிவிக்கப்பட்டுள்ளது.