|
|||||
அனேகன் ஒரு காதல் கதையாம் : சொல்கிறார் கே.வி.ஆனந்த் !! |
|||||
வேலையில்லா பட்டதாரி படத்தை தொடர்ந்து நடிகர் தனுஷ் நடிப்பில் உருவாகி வரும் படம் தான் அனேகன். இந்த படத்தை கே.வி.ஆனந்த் இயக்குகிறார். இந்த படத்தின் தனுஷ்க்கு ஜோடியாக அம்ரியா தஸ்தூர் என்ற புதுமுக நடிகை நடிக்கிறார். அது மட்டுமல்லாமல், தனுஷூடன் சேர்ந்து, நவரச நாயகன் கார்த்திக் இப்படத்தில் முக்கிய கதாபாத்திரத்தில் நடித்துள்ளார். அனேகன் படத்தின் படபிடிப்புகள் அனைத்தும் முடிவடைந்துள்ள நிலையில், தற்போது படத்தின் இறுதி கட்ட பணிகளில் ஈடுபட்டுள்ளது படக்குழு. இந்நிலையில், அனேகன் குறித்து, அதன் இயக்குனர் கே.வி.ஆனந்த் கூறியுள்ளதாவது, அனேகன் படம் காதலை மையப்படுத்தி எடுக்கப்பட்டுள்ளது. அனேகன் என்ற பெயர் ஒரு தனிமனிதனை குறிப்பிடுவது அல்ல. பல மனிதர்களை உள்ளடக்கியது. திருவாசகத்தில் இடம்பெற்றுள்ள ஒரு வாசகத்தை வைத்துத்தான் இப்படத்தின் தலைப்பை தேர்வு செய்துள்ளோம். வெவ்வேறு கால கட்டங்களில் நடக்கும் கதை என்பதால் இப்படத்தில் தனுஷும், அம்ரியா தஸ்தூரும் மூன்றுவிதமான கெட்டப்புகளில் நடித்துள்ளனர் என படத்தைப் பற்றி கே.வி.ஆனந்த் கூறியுள்ளார். இந்த படத்திற்கு ஹாரிஸ் ஜெயராஜ் இசையமைத்துள்ளார். ஓம்பிரகாஷ் ஒளிப்பதிவு செய்துள்ளார். வசனங்களை சுபா எழுதியுள்ளார். பாடல்களை இந்த மாதத்தில் வெளியிட முடிவு செய்துள்ளனர். அனேகமாக படம் நவம்பரில் படம் வெளியாகும் என எதிர்பார்க்கப்படுகிறது. |
|||||
by Swathi on 06 Oct 2014 0 Comments | |||||
Tags: அனேகன் Anegan Dhanush KV Anand தனுஷ் கேவி ஆனந்த் | |||||
கருத்துகள் | |
|
உங்கள் கருத்துகள் பதிவு செய்ய | ||
|