தகவல் பெரும் உரிமை சட்டத்தை மையமாக வைத்து எடுக்கப்பட்டுள்ள படம் அங்குசம். அங்குசம் படம் வெளியாகும் முன்னரே திரையுலகினர் மத்தியிலும், சமூக ஆர்வலர்கள் மத்தியிலும் பெரிய எதிர்பார்ப்பினை ஏற்படுத்தியுள்ளது. முக்கியமாக அந்தப் படம் எந்த நோக்கத்திற்காக எடுக்கப் பட்டதோ அந்த நோக்கமும் படம் வெளியாகும் முன்பே நிறைவேற ஆரம்பித்து விட்டிருக்கிறது.
விரைவில் வெளியாக இருக்கும் இந்த திரைபடத்திற்கு கேளிக்கை வரி விலக்கு வழங்க, சம்பந்தப்பட்ட துறை அமைச்சரின் உதவியாளர் லஞ்சம் கேட்டதாக பத்திரிக்கைகளில் சமீபத்தில் செய்திகள் வெளியாகின. இதனை அடுத்து, ‘அங்குசம்’திரைபடத்திற்கு தமிழக அரசின் வனிக வரித்துறை தற்போது கேளிக்கை வரி விலக்கு அளித்து அரசானை பிறப்பித்துள்ளது. மேலும், சமூக நல அமைப்பு ஒன்று இந்த விவகாரத்தில் தகவல் அறியும் உரிமை சட்டத்தின் மூலம் அங்குசம் படத்துக்கு வரிச்சலுகை தரப்படாததற்கான காரணங்களை கேட்டுள்ளது குறிப்பிடத்தக்கது.
|