2014-ம் ஆண்டிற்கான 87-வது ஆஸ்கர் விருது வழங்கும் விழா அடுத்த வருடம் பிப்ரவரி 22-ம் தேதி நடக்க இருக்கிறது.
வரும் ஜனவரி 15-ம் தேதி ஆஸ்கர் விருதுக்கு தேர்வானர்வர்களின் பட்டியல் அறிவிக்கப்படும். இந்நிலையில் தி அகாடமி ஆப் மோஷன் பிச்சர் ஆர்ட்ஸ் அண்ட் சயின்ஸ் அமைப்பு 2014ம் ஆண்டிற்கான சிறந்த இசை அமைப்பாளர் விருதுக்கு பரிந்துரைக்ககூடிய 114 படங்களின் பட்டியலை தற்போது வெளியிட்டுள்ளது.
இந்த பட்டியலில் இசை புயல் ஏ.ஆர்.ரஹ்மான் இசை அமைத்துள்ள, "தி 100 புட் ஜர்னி", "மில்லியன் டாலர் ஆம்", ரஜினிகாந்த் நடித்துள்ள கோச்சடையான் ஆகிய திரைப்படங்கள் பட்டியலில் இடம் பெற்றுள்ளன.
கோச்சடையான் படத்திற்காக ஏ.ஆர் ரஹ்மானுக்கு ஆஸ்கர் விருது கிடைத்தால் தமிழுக்கு கிடைக்கும் முதல் ஆஸ்கர் விருதாக இது அமையும் என்பது குறிப்பிடத்தக்கது.
|