|
|||||
”அறம்” இது கோபி நயினாரின் முதல் திரைப்படமாமே? நம்பவே முடியவில்லை! |
|||||
”அறம்” திரைப்படம் நன்றாக இருக்கிறதா இல்லையா என்பது இரண்டாம் பட்சம். முதலில் இது தமிழ் சினிமாவிற்கு மிகவும் அவசியமான திரைப்படம். அனைவரும் கட்டாயமாகப் பார்க்கவேண்டிய திரைப்படம். இது கோபி நயினாரின் முதல் திரைப்படமாமே? நம்பவே முடியவில்லை! பிரம்மாண்டத்தையும், நவீன தொழில்நுட்பத்தையும் மட்டுமே காட்டி “ஹாலிவுட்” தரத்தினை எட்டிப் பிடித்துவிட்டதாக மார் தட்டிக்கொண்ட இயக்குனர்களுக்கிடையே, அந்த ஹாலிவுட்டிற்கும் அப்பாற்பட்ட உயர்ந்த தரத்தினை கதையிலும் கருத்திலும் காட்டியிருக்கிறார் இயக்குனர் கோபி நயினார்! சினிமா இரசிகர்களை திருப்திப்படுத்த எத்தனை பாடல்கள் வைக்கலாம், எத்தனை சண்டைக்காட்சிகள் வைக்கலாம், பாடல் காட்சிகளை எந்த வெளிநாட்டுப் பிரதேசத்தில் படம் பிடிக்கலாம் என்று ரூம் போட்டு யோசிக்கும் இயக்குனர்களிடையே, ஒரு வரண்ட கள்ளிக் காட்டில் இருக்கும் ஒரு ஆழ்துளைக் கிணற்றைச் சுற்றியே ஒரு முழு திரைப்படத்தையும் சுவை குறையாமல், விறுவிறுப்புடனும், நெகிழ்ச்சியுடனும் எடுத்துக் காட்டியிருக்கும் கோபி நயினாரை பாராட்டுவதற்கு வார்த்தைகள் இல்லை! எம்.ஜி.ஆர், சிவாஜி, கமல், ரஜினி, விஜய், சூர்யா, அஜித் போன்ற ஆண் சூப்பர் ஸ்டார்களே அரசியலும் அறமும் பேசிய அந்த க்ளிஷே பிம்பத்தினை உடைத்து அதில் ஒரு பெண்ணைப் பொருத்தியது மிகவும் வரவேற்கத்தக்கது! நயன்தாராவும் மிகச் சிறப்பாக நடித்திருக்கிறார். தமிழ்ச் சினிமாவில் பெண்களின் சித்தரிப்பு குறித்து நம்மைத் தலை நிமிரச் செய்திருக்கிறது அறம்! விண்வெளிக்கு ராக்கெட் விடும் இந்தியாவில் 350 குழந்தைகள் ஆழ்துளைக் கிணற்றில் விழுந்து இறந்திருக்கிறார்கள் என்பது எவ்வளவு அதிர்ச்சியான செய்தி?! நமது அறிவியல் ஆராய்ச்சிகளும் தொழில்நுட்பங்களும் நமக்குப் பயன்படாவிட்டால் பின் எதற்கு?!
-தாரா சிவா , வெர்ஜினியா |
|||||
by Swathi on 15 Nov 2017 1 Comments | |||||
Tags: Gopi Nainar கோபி நயினார் அறம் Aramm | |||||
கருத்துகள் | |||||
|
உங்கள் கருத்துகள் பதிவு செய்ய | ||
|