|
நிலவில் கால் பதித்த முதல் மனிதர், நீல் ஆர்ம்ஸ்ட்ராங்கின் உடல் கடல் பகுதியில் அடக்கம் செய்யப்பட உள்ளது. அமெரிக்காவை சேர்ந்த விண்வெளி வீரர் நீல் ஆர்ம்ஸ்ட்ராங், கடந்த 1969ம் ஆண்டு, ஜூலை 20-ஆம் தேதி நிலவில் முதன்முதலில் கால் பதித்து சாதனை படைத்தார். 82 வயதான நீல் ஆர்ம்ஸ்ட்ராங், கடந்த ஆகஸ்டு மாதம் 25-ஆம் தேதி, காலமானார். இதையடுத்து, வரும் 13ம் தேதி பொதுமக்கள் கலந்து கொள்ளும் நினைவுக் கூட்டம், அமெரிக்கத் தலைநகர் வாஷிங்டனில் நடைபெற உள்ளது. நகரின் பிரதான சர்ச்சில், நடைபெறும் விசேஷ நிகழ்ச்சியில் விண்வெளி வீரர்கள், நாசா அமைப்பின் தலைவர் மற்றும் சார்லஸ் போல்டன் போன்ற ஏராளமான பிரபலங்கள் கலந்து கொள்கின்றனர். பின்னர் நீல் ஆர்ம்ஸ்ட்ராங்கின் உடல் கடல் பகுதியில் அடக்கம் செய்யப்பட உள்ளது.
|
