லட்சுமண் இயக்கத்தில் ஜெயம் ரவி-ஹன்சிகா நடிப்பில் உருவாகி வரும் படம் ரோமியோ ஜூலியட். இளமை ததும்பும் ரொமான்ஸ் கதையாக உருவாகிவரும் இப்படத்தில் ஆர்யா ஒரு சிறப்பு காட்சியில் நடிக்கிறாராம். இதை ஜெயம் ரவி தனது டுவிட்டர் பக்கத்தில் உறுதிப்படுத்தியுள்ளார்.
என்னுடைய நண்பன் ஆர்யா, ‘ரோமியோ ஜூலியட்’ படத்தில் நட்புக்காக ஒரு காட்சியில் நடிக்கிறார். இதை அறிவிப்பதில் மகிழ்ச்சி அடைகிறேன். விரைவில் இந்த படப்பிடிப்பு நடக்கவிருக்கிறது. நன்றி மச்சி என்று குறிப்பிட்டுள்ளார்.
ஏற்கனவே ஆர்யா, சிவா மனசுல சக்தி , மாயக்கண்ணாடி , ஒரு கல் ஒரு கண்ணாடி , கதை திரைக்கதை வசனம் இயக்கம் உள்ளிட்ட பல படங்களில் நட்புக்காக ஒரேயொரு காட்சியில் நடித்துக் கொடுத்திருக்கிறார் என்பது குறிப்பிடத்தக்கது.
|