|
|||||
அஜீத் கட்-அவுட்டிற்கு பாலபிஷேகம் செய்த ஆர்யா !! |
|||||
இயக்குனர் விஷ்ணுவர்தன் தற்போது ஆர்யாவை வைத்து யட்சன் என்ற படத்தை இயக்கி வருகிறார். யுடிவி மோஷன் பிக்சர்ஸ் பிரம்மாண்டமாக தயாரிக்கும் இந்தபடத்தில் ஆர்யாவுடன் இணைந்து தனது சகோதரரான கிருஷ்ணாவையும் நடிக்க வைக்கிறார் விஷ்ணுவர்தன். பிரபல வார இதழ் ஒன்றில் எழுத்தாளர் சுபா எழுதிய தொடர்கதையைத் தான் சினிமாவுக்காக சின்னச் சின்ன மாற்றங்கள் செய்து யட்சன் படமாக உருவாக்கி வருகிறார்கள். யட்சன் படத்தின் படப்பிடிப்பு சமீபத்தில் தொடங்கி விறுவிறுப்பாக நடைபெற்று வருகிறது. இப்படத்தில், அஜித் ரசிகர் மன்றத் தலைவராக ஆர்யா நடிப்பதால் கௌரவ தோற்றத்தில் அஜித் நடிக்க இருக்கிறார் என்ற செய்தி சமீபத்தில் வெளியானது. பின்னர் அது வதந்தி என்று சொல்லப்பட்டது. அதே சமயம் அஜித் நடிக்காவிட்டாலும், அவரது ரசிகர் மன்ற தலைவராக ஆர்யா நடிப்பது உண்மைதானாம். யட்சன் படத்தின் ஒரு காட்சியில் வீரம் படத்திற்காக வைக்கப்பட்ட மிகப்பெரிய கட் அவுட் மேல் ஏறி ஆர்யா பாலாபிஷேகம் செய்வது போன்ற காட்சி படமாக்கப்பட்டது. இந்தக் காட்சியில் ஆர்யா உடன் இணைந்து உண்மையான தல ரசிகர்கள் கலந்து கொண்டு நடித்துள்ளார்களாம். |
|||||
by Swathi on 21 Nov 2014 0 Comments | |||||
Tags: அஜீத் யட்சன் ஆர்யா Ajith Ajith Fan Yatsan Movie | |||||
கருத்துகள் | |
|
உங்கள் கருத்துகள் பதிவு செய்ய | ||
|