துல்கர் சல்மான், ஃபகத் ஃபாசில், நித்யா மேனன், நஸ்ரியா, நிவின் பவுலி என பல நட்சத்திரங்களின் நடிப்பில் உருவாகி மலையாலத்தில் வெளியாகி ஹிட் அடித்த படம் பெங்களூர் டேஸ்.
பொதுவாக ஒரு படம் ஒரு மொழியில் ஹிட் ஆகிவிட்டால், அதனை மாற்று மொழியில் ரீமேக் செய்வது வழக்கம். அதுபோல தான் பெங்களூர் டேஸ் படமும் தமிழ் மற்றும் தெலுங்கில் ரீமேக் ஆகிறது.
இந்த படத்தை பொம்மரீலு பாஸ்கர் என்பவர் இயக்கவிருக்கிறார். அதற்கான நடிகர், நடிகைகள் யார் என்பது நீண்ட நாளாகவே குழப்பத்தில் இருந்து வந்தது. முதலில் சித்தார்த்,சமந்தா நடிப்பதாக இருந்தது. ஆனால் ஏதோ சில காரணங்களால் அவர்கள் தவிர்த்து விட்டதாகவும் செய்திகள் வெளியாகியது.
இறுதியில் துல்கர் சல்மான், நஸ்ரியா, நிவின் பவுலி போன்றவர்களின் கேரக்டர்களில் முறையே ஆர்யா, ஸ்ரீதிவ்யா, பாபி சிம்ஹா நடிக்க விருக்கின்றனர். மேலும் ஃபகத் ஃபாசில் வேடத்தில் ராணா நடிக்கவுள்ளாதாக தற்போது தகவல் வெளியாகியுள்ளது. இந்த படத்தின் மற்றொரு சுவாரஸ்ய தகவல் என்னவென்றால், பெங்களூரை மையமாக வைத்து மலையாளத்தில் படத்தின் கதை நகரும். அதை மாற்றி சிங்கப்பூரில் நடப்பது போன்று படத்தின் கதையை மாற்றவிருப்பதாகவும், படத்திற்கு சந்தோஷ் நாராயணன் இசையமைப்பார் எனவும் இயக்குநர் பொம்மரீலு பாஸ்கர் தெரிவித்துள்ளார்.
|