ஜோதிட இமயம் அபிராமி சேகர்: ஜோதிடம்-கேள்வி-பதில்-23-10-2015

பெயர் : P.முத்துச்சாமி, S/o.பழநிச்சாமி, பிறந்த வருடம் : 09.03.1982, பிறந்த நேரம் இரவு 12.14மணி, பிறந்த இடம் : கோயம்புத்தூர்.

நான் பார்க்கும் வேலை நிரந்தரம் ஆகுமா? வெளிநாடு செல்ல வாய்ப்பு அமையுமா? கம்பெனி மாற வேண்டியது வருமா? வீடு வாங்கும் அமைப்பு உண்டா? எனது ஜாதகப்படி தாயாரின் உடல் நலம் எப்படி இருக்கும்?

விருச்சிக லக்னம் சிம்ம ராசி மகம் நட்சத்திரத்தில் பிறந்த உங்களுக்கு தற்பொழுது சந்திர தசையில் புதன் புத்தி 30-10-2016 வரை நடப்பில் உள்ளது. சந்திரன் உங்கள் லக்னத்திற்கு 9ம் அதிபதியாகி அவர் 10ம் இடத்தில் அமர்ந்து அவர் கேது சாரம் பெற்று அந்தக் கேது 2ம் இடத்தில் அமர்வது சிறப்பாகும். 10ம் இடம் என்பது தொழிலையும் 2ம் இடம் என்பது வேலையின் மூலமாக கஷ்டப்பட்டு உழைத்து சம்பாதிப்பதையும் குறிக்கும். அடுத்து வரும் செவ்வாய் தசையும் நல்ல தசையாகவே உள்ளது. எனவே வேலை நிரந்தரம் ஆகும். கவலைப்பட வேண்டாம். வேலையின் நிமித்தமாக வெளிநாடு செல்ல சந்தர்ப்பங்கள் அமையும். தற்பொழுது கம்பெனி எதுவும் மாற வேண்டியதில்லை.

அடுத்து வரும் செவ்வாய் தசையில் நீங்கள் கட்டிய வீடு வாங்குவீர்கள். 31-07-2019க்குப் பின் வரும் செவ்வாய் தசையில் நீங்கள் பெயர் போன ஊரில் அல்லது புகழ் பெற்ற நகரத்தில் தனி வீடு அதுவும் கட்டிய வீடு வாங்க வாய்ப்பு அமையும். அதுவும் தாங்கள் கடன் வாங்கி வீடு வாங்க வாய்ப்பு அமையும். ஏனெனில் அடுத்து வரும் செவ்வாய் தசை உங்கள் லக்னத்திற்கு 1,6க்குடையவராகி அவர் 11ல் தன் சுய சாரத்தில் அமர்வதால் தாங்கள் கடன் வாங்கி வீடு வாங்குவீர்கள். 6ம் இடம் வேலையையும் கடன் வாங்குவதையும் குறிப்பதால் தாங்கள் வேலையும் பார்ப்பீர்கள். கடன் வாங்கி வீடும் வாங்குவீர்கள். தங்கள் ஜாதகப்படி உங்கள் தாயாருக்கு அடிக்கடி உடல் ஆரோக்ய குறைவும் வைத்யச் செலவுகளும் ஏற்பட்டு விலகும். ஆனால் ஆயுளைப் பொறுத்தவரை தாயருக்கு இப்பொழுதுக்கு தோஷமில்லை. வருடம் ஒரு முறை “திருப்பதி” சென்று சாமி தரிசனம் செய்து வரவும்.

ஜோதிட இமயம் அபிராமி சேகர்

maduraiabiramisekar@gmail.com

9994811158