LOGO
  முதல் பக்கம்    மொழி-இலக்கியம்    கவிதை Print Friendly and PDF
- பாரதிதாசன் கவிதைகள்

பாவேந்தர் பாரதிதாசனின் பொங்கல் வாழ்த்து

பொங்கல் நாளில் அவர்!
செங்கதிர் எழுந்ததடி
எங்கும் ஒளி ஆனதடி
பொங்கல்திரு நாளடியே
என்னருந் தோழி -- அதோ
பொன்னரிவாள் ஏந்திவிட்டார் என்னருந்தோழி

தெங்கில்இளம் பாளையைப் போல்
செந்நெல்அறுத் தார் உழவர்
அங்குக்களம் கொண்டடித்தார்
என்னருந் தோழி -- அவர்
சங்கத் தமிழ் பாடிப்பாடி
என்னருந்தோழி.

கட்டடித்தே நெல்லளந்தே
கட்டை வண்டி ஏற்றுகின்றார்
தொட்டளித்தார் தைப்புதுநெல்
என்னருந் தோழி -- அவர்
தோளை வையம் வாழ்த்திற்றடி என்னருந்தோழி.

கொட்டு முழக் கோடு நெல்லைக்
குற்றுகின்ற மாத ரெல்லாம்
பட்டுடை இழுத்துக் கட்டி
என்னருந் தோழி -- பாடும்
பாட்டெல்லாம் வெல்லமடி
என்னருந்தோழி.

முத்தமிழ் முழக்கமடி
எங்கணும் இசைக் கருவி
முத்தரிசி பாலில் இட்டார்
என்னருந் தோழி -- வெல்லக்
கட்டியுடன் நெய்யுமிட்டார்
என்னருந் தோழி.

தித்திக்கும்தே னும்பலாவும்
செவ்வாழையும் மாம்பழமும்
ஒத்துக் கலந்துண்டா ரடி
என்னருந் தோழி -- அவர்
ஒக்கலும் மக்களு மாக
என்னருந் தோழி.

எங்கணும் மகிழ்ச்சியடி
எவ்விடத்தும் ஆடல் பாடல்
பொங்கலோ பொங்கல் என்றார்
என்னருந் தோழி.
பொங்கிற்றடி எங்குமின்பம்
என்னருந் தோழி.

திங்களிது தையடியே
செந்தமிழ ரின்திருநாள்
இங்கிது போல் என்றைக்குமே
என்னருந் தோழி
இன்பம் நிலைகொள்ள வேண்டும்
என்னருந் தோழி.

by Swathi   on 18 Jan 2018  0 Comments
 தொடர்புடையவை-Related Articles
முழுப் பயணம் செய்வோம் வா - பாவலர்  கருமலைத்தமிழாழன் முழுப் பயணம் செய்வோம் வா - பாவலர் கருமலைத்தமிழாழன்
அலரவைக்கும்  அடுக்குமாடிகள் - பாவலர் கருமலைத்தமிழாழன் அலரவைக்கும் அடுக்குமாடிகள் - பாவலர் கருமலைத்தமிழாழன்
தனித்தன்மைகள் - பாவலர் கருமலைத்தமிழாழன் தனித்தன்மைகள் - பாவலர் கருமலைத்தமிழாழன்
பொய்முகங்கள் - கவிஞர் பொன்விலங்கு பூ.சுப்ரமணியன் பொய்முகங்கள் - கவிஞர் பொன்விலங்கு பூ.சுப்ரமணியன்
துரத்தும் நினைவுகள் ! - கவிஞர் பொன்விலங்கு பூ.சுப்ரமணியன் துரத்தும் நினைவுகள் ! - கவிஞர் பொன்விலங்கு பூ.சுப்ரமணியன்
புரிந்து கொண்டால்... -  கவிஞர் பொன்விலங்கு பூ.சுப்ரமணியன் புரிந்து கொண்டால்... - கவிஞர் பொன்விலங்கு பூ.சுப்ரமணியன்
மூன்று காலம் - பொன்விலங்கு பூ.சுப்ரமணியன் மூன்று காலம் - பொன்விலங்கு பூ.சுப்ரமணியன்
சொற்கள் சொற்கள்
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.