LOGO
  முதல் பக்கம்    செய்திகள்    இந்தியா-India Print Friendly and PDF

வெளிநாடு வாழ் இந்தியர்களின் திருமணத்திற்கு கட்டுப்பாடு விதிக்கும் மசோதா மாநிலங்களவையில் தாக்கல்!

வெளிநாடு வாழ் இந்தியர்களின் திருமணத்திற்கு கட்டுப்பாடு விதிக்கும் மசோதா மாநிலங்களவையில் தாக்கல் செய்யப்பட்டது.

கடந்த ஆண்டு வெளிநாடு வாழ் இந்தியர்கள், திருமணத்திற்குப் பிறகு கொடுமைப்படுத்தியதாக உச்சநீதிமன்றத்தில் ஏராளமான பெண்கள் வழக்கு தொடர்ந்தனர்.

மேலும் இது தொடர்பாக கடந்த 3 ஆண்டுகளில், வெளியுறவுத் துறை அமைச்சகத்திற்கு சுமார் 4,300 புகார்கள் வந்துள்ளதாக தகவல் வெளியானது. இதனால் வெளிநாடு வாழ் இந்தியர்கள் திருமணங்களில் கட்டுப்பாடுகள் கொண்டு வர மத்திய அரசு முடிவு செய்தது.

இந்த நிலையில் வெளிநாடு வாழ் இந்தியர்களின் திருமணத்திற்கு கட்டுப்பாடு விதிக்கும் புதிய மசோதாவை மாநிலங்களவையில் மத்திய வெளியுறவுத் துறை அமைச்சர் சுஷ்மா சுவராஜ் தாக்கல் செய்தார்.

இந்த மசோதாவின்படி வெளிநாடு வாழ் இந்தியர்கள், இந்திய பெண்ணை திருமணம் செய்தால் திருமணமாகி 30 நாட்களுக்குள் அதனை பதிவு செய்ய வேண்டும் என்றும், தவறும்பட்சத்தில் அவர்களின் பாஸ்போர்ட் திரும்ப பெறப்படும் என கூறப்பட்டு உள்ளது. 

இந்த புதிய மசோதாவின்படி, இந்திய குற்றவியல் நடைமுறை சட்டம் 1973 ல் திருத்தம் கொண்டு வரப்படுகிறது. அதன்படி நீதிமன்றங்கள் இந்திய வெளியுறவுத் துறையின் இணைய தளத்தின் மூலம் வெளிநாடு வாழ் இந்தியர்களுக்கு சம்மன் அனுப்பலாம், சம்மனிற்கு ஆஜர் ஆகாதவர்களின் சொத்துகளையும் முடக்கலாம் என்று தெரிவிக்கப்பட்டு உள்ளது. 

மேலும் நீதிமன்றத்தில் ஆஜர் ஆகாத வெளிநாடு வாழ் இந்தியரை குற்றவாளியாகவும் அறிவிக்கலாம் என இந்த மசோதாவில் குறிப்பிட்டு உள்ளனர்.  இந்த மசோதாவை வெளியுறவுத் துறை, மகளிர் மற்றும் குழந்தைகள் வளர்ப்பு, சட்ட அமைச்சகங்கள் கூட்டு முயற்சியாக உருவாக்கியுள்ளது குறிப்பிடத்தக்கது. 
இது குறித்து தகவல் அளித்த வெளியுறவுத் துறை அமைச்சகம், இந்த மசோதா வெளிநாடு வாழ் இந்தியர்களின் திருமண புகார்களுக்கு தக்க பதிலாக அமையும் என்றும், இதன்மூலம் பெண்கள் தங்களின் வெளிநாடு வாழ் கணவர்களால் சந்திக்கும் இன்னல்கள் குறையும் என்றும் தெரிவித்து உள்ளது.

by Mani Bharathi   on 12 Feb 2019  0 Comments
 தொடர்புடையவை-Related Articles
இந்தியா முழுவதும் இனி அனைத்து அவசர உதவிகளுக்கும் ஒரே ஒரு எண் இந்தியா முழுவதும் இனி அனைத்து அவசர உதவிகளுக்கும் ஒரே ஒரு எண் "112"  நடைமுறைக்கு வந்தது!
தூய்மை நகரங்கள் பட்டியலில் 3-வது முறையாக  இந்தூர் முதலிடம் பிடித்து  விருது பெறுகிறது! தூய்மை நகரங்கள் பட்டியலில் 3-வது முறையாக இந்தூர் முதலிடம் பிடித்து விருது பெறுகிறது!
வீரமரணம் அடைந்த ராணுவ வீரர்கள் குழந்தைகளின் படிப்பு செலவை ஏற்கிறேன் - கிரிக்கெட் வீரர் ஷேவாக் அறிவிப்பு! வீரமரணம் அடைந்த ராணுவ வீரர்கள் குழந்தைகளின் படிப்பு செலவை ஏற்கிறேன் - கிரிக்கெட் வீரர் ஷேவாக் அறிவிப்பு!
காஷ்மீரில் தீவிரவாதிகளின் தாக்குதலில் பலியான 2 தமிழக வீரர்கள் உடல் அடக்கம் ராணுவ மரியாதையுடன் நடந்தது! காஷ்மீரில் தீவிரவாதிகளின் தாக்குதலில் பலியான 2 தமிழக வீரர்கள் உடல் அடக்கம் ராணுவ மரியாதையுடன் நடந்தது!
காஷ்மீர் தீவிரவாதிகள் தாக்குதலில் மத்திய ரிசர்வ் காவல் படையை சேர்ந்த 2 தமிழக வீரர்கள் உள்பட   40 பேர் பலி! காஷ்மீர் தீவிரவாதிகள் தாக்குதலில் மத்திய ரிசர்வ் காவல் படையை சேர்ந்த 2 தமிழக வீரர்கள் உள்பட 40 பேர் பலி!
மத்திய அரசு துறைகளில் 4.12 லட்சம்  பணியிடங்கள் காலியாக இருப்பதாக மக்களவையில் தகவல்! மத்திய அரசு துறைகளில் 4.12 லட்சம் பணியிடங்கள் காலியாக இருப்பதாக மக்களவையில் தகவல்!
பசுமை அதிகரிப்பில் இந்தியா- சீனா முன்னணி வகிக்கிறது-  நாசாவின் பாராட்டு! பசுமை அதிகரிப்பில் இந்தியா- சீனா முன்னணி வகிக்கிறது- நாசாவின் பாராட்டு!
மன்னார் வளைகுடா கடற்பகுதியில் கடலுக்கடியில் பிளாஸ்டிக் பொருட்கள் அகற்றம்! மன்னார் வளைகுடா கடற்பகுதியில் கடலுக்கடியில் பிளாஸ்டிக் பொருட்கள் அகற்றம்!
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.