அமீர்கான் நடிப்பில் இந்தியில் வெளியாகி மாபெரும் வசூல் சாதனையை நிகழ்த்தியிருக்கும் படம் பிகே. இந்த படத்தை மற்ற மொழிகளில் ரீமேக் செய்ய தயாரிப்பாளர்கள் நான், நீ என போட்டி போட்டுக்கொண்டு, உரிமையை வாங்கி வைத்துள்ளனர்.
பிகே படத்தின் தமிழ் ரீமேக் உரிமையை ஜெமினி லேப் நிறுவனம் வாங்கியுள்ளது. பிகே தமிழ் ரீமேக் படத்தில் கதாநாயகனாக கமல்ஹாசனை நடிக்க வைக்கலாம் என்ற பேச்சுவார்த்தை நடைபெற்றது. கதையில் சில மாற்றங்கள் செய்தால் கமல் நடிப்பார் என்று சினிமா வட்டாரம் தெரிவித்து வந்தது.
மூன்று இயக்குநர்களிடம் கமலை வைத்து இயக்க தயாரா என்று பேசியிருக்கிறார்கள். மூவருமே சம்மதம் தெரிவித்திருக்கிறார்கள். யாருக்கு அதிர்ஷம் அடிக்கப்போகிறது என்பது கமலுக்கும் ஜெமினி நிறுவனத்திற்கும் தான் தெரிந்த விஷயம். பிகே இந்தியில் சஞ்சய்தத் நடித்த கேரக்டரில் ரஜினியை நடிக்க வைக்கலாமா என்ற பேச்சுவார்த்தையும் நிலவுகிறதாம். ஆனால் இந்தியில் சஞ்சய்தத் பிகே படத்தில் இறந்துவிடுவார். ஆனால் தமிழில் ரஜினி இறந்தது போல எடுத்தால் ரசிகர்கள் ஏற்றுக் கொள்ளமாட்டார்கள் என்பதால் சற்றே தயக்கம் காட்டி வருகின்றனர்.
பிகே படத்தில் யாரெல்லாம் நடிப்பார்கள், யார் இயக்கவிருக்கிறார்கள் என்ற முடிவு விரைவில் அதிகரப்பூர்வமாக் அறிவிக்கப்படும் என எதிர்ப்பார்க்கப்படுகிறது.
|