கோங்குரா சட்னி (gongura chutney )

தேவையானவை :

புளிச்ச கீரை - ஒரு கட்டு

புளி – சிறிதளவு

பூண்டு - 15

மிளகாய் தூள் - ஒரு டீஸ்பூன்

காய்ந்த மிளகாய் - 2

வெந்தயம் - கால் டீஸ்பூன்

தனியா (விதை) - ஒரு டேபிள்ஸ்பூன்

கடுகு - ஒரு டீஸ்பூன்

சீரகம் - அரை டீஸ்பூன்

பெருங்காயம் - சிறிதளவு

மஞ்சள் தூள் - கால் டீஸ்பூன்

உப்பு - தேவையான அளவு

எண்ணெய் - ஒரு கப்

செய்முறை :

1.ஒரு கடாயில் வெந்தயம் மற்றும் தனியாவை எண்ணெயில்லாமல் வறுத்தெடுக்கவும்.

2.புளிச்ச கீரையை கழுவி பொடியாக நறுக்கி காய வைக்கவும். புளியை கழுவி விட்டு சிறிதளவு தண்ணீர் விட்டு ஊற வைக்கவும்.

3.புளி தண்ணீர், பூண்டு ஒன்றாக அரைத்து வைக்கவும். வெந்தயம் மற்றும் தனியாவை கொரகொரப்பாக பொடித்து வைக்கவும்.

4.அரை கப் எண்ணெயில் கீரையை நன்றாக வதக்கவும். கீரையில் உள்ள நீர் போய் நன்றாக ட்ரை ஆகும் வரை வதக்கவும்.

5.மீதமுள்ள எண்ணெயில் கடுகு, சீரகம், மீதமுள்ள பூண்டு (பொடியாக நறுக்கியது), பெருங்காயம், மஞ்சள் தூள், காய்ந்த மிளகாய் தாளித்து வதக்கி வைத்துள்ள கீரையில் கொட்டவும்.

6.எண்ணெய் சூடாக இருக்கும் போதே இதனுடன் அரைத்து வைத்துள்ள பொடி, மிளகாய் தூள், உப்பு மற்றும் புளி கலவையை சேர்க்கவும். சுவையான கோங்குரா ரெடி.