LOGO
  முதல் பக்கம்    செய்திகள்    உலகம்-World Print Friendly and PDF

நிலவில் தரையிறங்கிய சீனாவின் சாங்கே-4 ஆய்வுக்கலம் அதிகுளிரையும் தாக்குப் பிடித்து செயல்பட தொடங்கி உள்ளது!

நிலவில் தரையிறங்கிய சீனாவின் சாங்கே-4 ஆய்வுக்கலம், அங்கு நிலவிய மைனஸ் 190 டிகிரி சென்டிகிரேட் வெப்பநிலையையும் தாக்குப்பிடித்து மீண்டும் செயல்படத் தொடங்கி உள்ளது. 

நிலவின் பின்புறத்தில் ஆய்வு  நடத்துவதற்காக சாங்கே-4 என்ற ஆய்வுக்கலத்தை, ‘லாங்க் மார்ச்-3பி’ எனற  ராக்கெட் மூலம் சீனா கடந்த டிசம்பர் மாதம் 8ம் தேதி அனுப்பியது. 

இந்த ஆய்வுக்கலம் நிலவின் பின்புறத்தில் கடந்த 3-ந் தேதி தரையிறங்கியது. இதில் 2,400 பவுண்ட்  எடையுள்ள லேண்டர், 300 பவுண்ட் எடையுள்ள ரோவர் (நகர்ந்து செல்லும் ஆய்வு  வாகனம்) என்ற இரண்டு முக்கிய பாகங்கள் உள்ளன.

லேண்டரில் இருந்து ரோவர் வெளிவந்து தனது முதல் படத்தை எடுத்து  அனுப்பியது. நிலவில் ஒரு பகல் பொழுது, பூமியில் 14 நாட்களுக்கு சமமானது. இதே போல்தான் இரவும். நிலவில் சாங்கே-4 தரையிறங்கியபோது பகல் பொழுதாக இருந்தது. இதனால் சில நாட்கள் சூரிய மின்சக்தி மூலம் அது இயங்கியது. 

அதன்பின் நிலவின் இரவு நேரத்தில் அதற்கு தேவையான சூரியசக்தி கிடைக்கவில்லை. அப்போது அங்கு குளிர் மைனஸ் 190 டிகிரி சென்டிகிரேட் நிலவியதாக ஆய்வுக்கலம் அனுப்பியுள்ள தகவல் மூலம் தெரிய வந்துள்ளது. 

நிலவில் இரவு நேரத்தில் மேற்பரப்பில் நிலவும் வெப்பநிலை குறித்த தகவலை சீன விஞ்ஞானிகள் முதல் முறையாக பெற்று உள்ளனர். இந்த கடும் குளிரை லேண்டரும், ரோவரும் தாக்குப்பிடிக்க அதில் ரேடியோ ஐசோடோப்பை சீன விஞ்ஞானிகள் பொருத்தியிருந்தனர். இதில் கிடைத்த வெப்பம் மூலம் நிலவில் இரவு நேரத்தில் நிலவிய மைனஸ் 190 டிகிரி குளிரில் ஆய்வுக்கலமும், ரோவரும் சேதம் அடையாமல் தப்பியுள்ளன. 

வெப்பத்தை மின்சாரமாக மாற்றும் ஐசோடோப் தெர்மோ எலக்ட்ரிக் தொழில்நுட்பம்  ஆய்வுக் கலத்தில் முதன்முறையாக பொருத்தப் பட்டுள்ளது. 

நிலவில் நீண்ட இரவுக்குப்பின் சூரிய ஒளி பட்டது. இதையடுத்து லேண்டரும், ரோவரும் ஆழ்ந்த தூக்கத்தில் இருந்து விழித்து மீண்டும் செயல்படத் தொடங்கி உள்ளதாக சீன விண்வெளி மையம் தெரிவித்து உள்ளது.   

by Mani Bharathi   on 01 Feb 2019  0 Comments
 தொடர்புடையவை-Related Articles
கனடா அமைச்சரவையை அலங்கரிக்கும்  முதல் தமிழ்ப்பெண் கனடா அமைச்சரவையை அலங்கரிக்கும்  முதல் தமிழ்ப்பெண்
அமெரிக்கப் பள்ளிகளில் தமிழில் அறிவிப்பு ! அமெரிக்கப் பள்ளிகளில் தமிழில் அறிவிப்பு !
அமெரிக்காவில் மிச்சிகனில்   நூலகத்திற்கு 200 தமிழ்ப்  புத்தகங்கள் நன்கொடை அமெரிக்காவில் மிச்சிகனில்   நூலகத்திற்கு 200 தமிழ்ப்  புத்தகங்கள் நன்கொடை
ஐரோப்பிய ஒன்றியத்தில் முதல் திருவள்ளுவர் சிலை நிறுவி , ஐரோப்பிய தமிழர்கள் நாளாக கொண்டாடப்படும்  நிகழ்வு வரும் டிசம்பர் 4ல்  ஒருங்கிணைக்கப்படுகிறது ஐரோப்பிய ஒன்றியத்தில் முதல் திருவள்ளுவர் சிலை நிறுவி , ஐரோப்பிய தமிழர்கள் நாளாக கொண்டாடப்படும் நிகழ்வு வரும் டிசம்பர் 4ல் ஒருங்கிணைக்கப்படுகிறது
ஆஸ்திரேலியாவில் தமிழ் ஆஸ்திரேலியாவில் தமிழ்
இந்திய-சீன தலைவர்கள் தமிழகத்தின் முக்கிய சுற்றுலாத் தலமான மகாபலிபுரத்தில் சந்தித்து இருநாட்டு உறவுகள் குறித்து உரையாடினர் இந்திய-சீன தலைவர்கள் தமிழகத்தின் முக்கிய சுற்றுலாத் தலமான மகாபலிபுரத்தில் சந்தித்து இருநாட்டு உறவுகள் குறித்து உரையாடினர்
கனடா நாட்டின் நாடாளுமன்ற தேர்தலில் பிரதமர் ஜஸ்டின் ட்ரூடோவின் லிபரல் கட்சி வெற்றிபெற்றது கனடா நாட்டின் நாடாளுமன்ற தேர்தலில் பிரதமர் ஜஸ்டின் ட்ரூடோவின் லிபரல் கட்சி வெற்றிபெற்றது
யாழ்ப்பாணத்தில் விக்கிப்பீடியா விழா நீச்சல்காரன் யாழ்ப்பாணத்தில் விக்கிப்பீடியா விழா நீச்சல்காரன்
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.