LOGO
  முதல் பக்கம்    செய்திகள்    விளையாட்டு-Sports Print Friendly and PDF

அதிவேக சதத்தால் உலக சாதனை படைத்தார் நியூசிலாந்தின் கோரி ஆண்டர்சன் !!

நேற்று கிரிக்கெட் ரசிகர்களுக்கு புத்தாண்டு பரிசு வழங்கும் விதமாக, ஒரு நாள் போட்டிகளில் அதிவேக சதம் அடித்து நியூசிலாந்தின் கோரி ஆண்டர்சன் உலக சாதனை படைத்துள்ளார்.

 

நியுசிலாந்தில் சுற்றுப்பயணம் மேற்கொண்டுள்ள வெஸ்ட் இன்டிஸ் அணி 5 ஒரு நாள் போட்டிகள் கொண்ட தொடரில் விளையாடி வருகிறது. இதில் முதல் போட்டியில் வெஸ்ட் இண்டீஸ் வென்றது. இரண்டாவது போட்டி மழையால் ரத்தானது. மூன்றாவது போட்டி குயின்ஸ்டவுனில் நேற்று நடந்தது.

 

மழை காரணமாக, போட்டி 21 ஓவர்களாக குறைக்கப்பட்டது. ‘டாஸ்’ வென்ற வெஸ்ட் இண்டீஸ் கேப்டன் டுவைன் பிராவோ, முதலில் பந்து வீச்சை தேர்வு செய்தார். நியூசிலாந்து அணிக்கு துவக்க வீரர் குப்டில் ஒரு ரன் எடுத்து ஏமாற்றினார். கேப்டன் பிரண்டன் மெக்கலம் (33), ராஸ் டெய்லர் (9) அதிக நேரம் தாக்குப்பிடிக்கவில்லை. 

 

அதிரடி ஆரம்பம் :

 

பின்னர் ஜோடி சேர்ந்த ஜெசி ரைடரும், கோரி ஆண்டர்சனும் அதிரடி ஆட்டத்தை வெளிபடுத்தினர். வெஸ்ட் இண்டீஸ் பந்துவீச்சை அடித்து நொறுக்கிய இவர்கள் சிக்சர் மழை பொழிந்தனர். பிராவோ பந்தில் பவுண்டரி அடித்து ரன்கணக்கை ஆரம்பித்த கோரி ஆண்டர்சன், நரைன், ராம்பால் ஓவர்களில் தலா 4 சிக்சர்கள் பறக்கவிட்டார். எதிர்முனையில் பிராவோ வேகத்தில் பவுண்டரிகள் விளாசினார் ரைடர். மில்லர் பந்தில் சிக்சர் அடித்த ஆண்டர்சன், தனது முதல் ஒருநாள் சதத்தை 36 பந்தில் அடித்து புதிய உலக சாதனை படைத்தார். தனது 46வது பந்தில் சதம் அடித்த ரைடர் (104) ஹோல்டர் பந்தில் அவுட்டானார். 21 ஓவரில் நியூசிலாந்து அணி 4 விக்கெட்டுக்கு 283 ரன்கள் குவித்தது. ஆண்டர்சன் (131), ராஞ்சி (3) அவுட்டாகாமல் இருந்தனர். 

 

284 ரன்கள் எடுத்தால் வெற்றி என்ற கடின இலக்குடன் களமிறங்கிய வேஸ்ட் இண்டீஸ் அணி, 21 ஓவர் முடிவில் வெஸ்ட் இண்டீஸ் அணி 5 விக்கெட்டுக்கு 124 ரன்கள் மட்டும் எடுத்து தோல்வி அடைந்தது. ஆட்டநாயகன் விருதை நியூசிலாந்தின் கோரி ஆண்டர்சன் வென்றார். 

 

அப்ரிடியின் சாதனை முறியடிப்பு :

 

வேஸ்ட் இண்டீசுக்கு எதிராக 36 பந்தில் சதம் அடித்த நியூசிலாந்து வீரர் கோரி ஆண்டர்சன், பாகிஸ்தான் ஆல்-ரவுண்டர் அப்ரிடியின் 17 ஆண்டு கால சாதனையை முறியடித்தார்.

 

சிக்சரில் மூன்றாவது இடம் :

 

நேற்று நடந்த போட்டியில் 14 சிக்சர் விளாசிய நியூசிலாந்தின் கோரி ஆண்டர்சன், ஒருநாள் போட்டியில் ஒரு இன்னிங்சில் அதிக சிக்சர் அடித்த வீரர்கள் வரிசையில் மூன்றாவது இடம் பிடித்தார். முதல் இரண்டு இடத்தில் இந்தியாவின் ரோகித் சர்மா (16), ஆஸ்திரேலியாவின் வாட்சன் (15) உள்ளனர்.

 

நியூசிலாந்து அணி முதலிடம் :

 

நேற்றைய போட்டியில் நியூசிலாந்து வீரர்கள் மொத்தமாக 22 சிக்சர்கள் விளாசினர். இதன்மூலம் ஒருநாள் வரலாற்றில் அதிக சிக்சர் அடித்த அணிகள் வரிசையில் நியூசிலாந்து அணி, இந்தியாவை (19 சிக்சர்) பின்னுக்கு தள்ளி முதலிடம் பிடித்தது.

 

20 ஓவர்களுக்குள் சதம்

அபாரமாக ஆடிய நியூசிலாந்தின் கோரி ஆண்டர்சன், ஜெசி ரைடர் ஆகியோர் 20 ஓவர்களுக்குள் சதம் அடித்தனர். ஒருநாள் போட்டியில் இதுவரை 9 வீரர்கள் இதுவரை இச்சாதனை படைத்தனர். முன்னதாக சேவக் (இந்தியா), வாட்சன் (ஆஸி.,), அப்ரிதி (பாக்.,), ஜெயசூர்யா (இலங்கை), ஜான் டேவிசன் (கனடா), தில்ஷன் (இலங்கை) ஆகியோர் இம்மைல்கல்லை எட்டினர்.

by Swathi   on 01 Jan 2014  0 Comments
 தொடர்புடையவை-Related Articles
ஷமி, வைஷாலிக்கு அர்ஜுனா விருது; ஆர்.பி.ரமேஷ், கவிதா செல்வராஜுக்கு உயரிய அங்கீகாரம்! ஷமி, வைஷாலிக்கு அர்ஜுனா விருது; ஆர்.பி.ரமேஷ், கவிதா செல்வராஜுக்கு உயரிய அங்கீகாரம்!
உலக பில்லியர்ட்ஸ் சாம்பியன்ஷிப் போட்டிகளில் 26-வது முறையாக இந்திய வீரர் பங்கஜ் அத்வானி சாம்பியன் உலக பில்லியர்ட்ஸ் சாம்பியன்ஷிப் போட்டிகளில் 26-வது முறையாக இந்திய வீரர் பங்கஜ் அத்வானி சாம்பியன்
உலக கோப்பை கிரிக்கெட் 2023: இந்திய அணி அறிவிப்பு உலக கோப்பை கிரிக்கெட் 2023: இந்திய அணி அறிவிப்பு
உலக சதுரங்கப் சாம்பியன் போட்டியில் இந்தியாவின் பிரக்யானந்தா இறுதிப் போட்டிக்கு அமெரிக்காவின் கார்னோவினை வீழ்த்தி தகுதிபெற்றுள்ளார். உலக சதுரங்கப் சாம்பியன் போட்டியில் இந்தியாவின் பிரக்யானந்தா இறுதிப் போட்டிக்கு அமெரிக்காவின் கார்னோவினை வீழ்த்தி தகுதிபெற்றுள்ளார்.
உஷாவை  முந்திய  திருச்சியை சேர்ந்த தமிழச்சி தனலட்சுமி உஷாவை முந்திய திருச்சியை சேர்ந்த தமிழச்சி தனலட்சுமி
விளையாட்டுத்துறையில் கலைச்சொல் அகராதி விளையாட்டுத்துறையில் கலைச்சொல் அகராதி
உலக கோப்பை கபடி போட்டியில்  இந்திய அணிக்கு தமிழக வீரர் ஆறுமுகம் கேப்டன் உலக கோப்பை கபடி போட்டியில் இந்திய அணிக்கு தமிழக வீரர் ஆறுமுகம் கேப்டன்
காயங்களே என்னை வலிமையானவளாக மாற்றியது - தங்க மங்கை வினேஷ் போகத் காயங்களே என்னை வலிமையானவளாக மாற்றியது - தங்க மங்கை வினேஷ் போகத்
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.