கொத்தவரங்காய் புளிக் குழம்பு (Kothavarangai Tamarind Curry)

தேவையானவை :

கொத்தவரங்காய் - 1 கப் (நறுக்கியது)

பெரிய வெங்காயம் - 1 (பொடித்தது)

தக்காளி - 1 (பொடித்தது)

புளி - சிறியது

தேங்காய்த் துருவல் - சிறிது

உப்பு - தேவையான அளவு

மிளகாய்த்தூள் - 1 டீ ஸ்பூன்

மஞ்சள்தூள் -   1/2 டீ ஸ்பூன்

எண்ணெய் - சிறிது

கடுகு - 1/4 டீ ஸ்பூன்

உளுந்து - 1/4 டீ ஸ்பூன்

கறிவேப்பிலை - ஒரு கொத்து

செய்முறை:

1.புளியை சிறிது தண்ணீரில் கரைத்து கொள்ளவும்.குக்கரில் சிறிது எண்ணெய் ஊற்றி சூடாக்கவும்.சூடான எண்ணெய்யில் கடுகு, உளுந்து, கறிவேப்பிலை சேர்த்துப் பொரிக்கவும்.பின் இதனுடன் வெங்காயத்தைச் சேர்த்து வதக்கவும். வெங்காயம் பொன்னிறமாக வதங்கிய பின் தக்காளியைச் சேர்த்து சில நிமிடங்கள் வதக்கவும்.

2.தக்காளி வதங்கியதும் நறுக்கிய கொத்தவரங்காய், மஞ்சள் தூள், குழம்பு மிளகாய்த் தூள் சேர்த்து லேசாக வதக்கிக் கொள்ளவும்.புளிக் கரைசலையும், சிறிது தேங்காய்த் துருவலையும் காயுடன் சேர்க்கவும்.காய் வேகத் தேவையான அளவு தண்ணீர் சேர்த்துக் குக்கரை மூடி வைக்கவும்.முதல் விசில் வந்தபின் அனலைக் மிதமான தீயில்  7 நிமிடங்கள் வரை வேக வைக்கவும்.பின் குக்கரை அடுப்பிலிருந்து இறக்கி காயுடன் தேவையான அளவு உப்பைச் சேர்த்துக் கலக்கி சூடான சாதத்துடன் பரிமாறவும்.