கடந்த சில வருடங்களாக தமிழ் சினிமாவில் பேய் படங்களுக்கு மவுசு அதிகரித்துக் கொண்டே இருக்கிறது. இதற்கு சாட்சியாக அரண்மனை, பிசாசு, டார்லிங் ஆகிய படங்களை சொல்லலாம்.
இதில் கடந்த பொங்கலை ஒட்டி வெளியான டார்லிங் படம் இன்று வரை ஒரு சில தியேட்டர்களில் ஓடிக்கொண்டு இருக்கிறது.
ஜி.வி.பிரகாஷ் , நிக்கி கல்ராணி, ஸ்ருஷ்டி ஆகியோர் நடிப்பில் உருவான இந்த படத்தை சாம் ஆன்டன் இயக்கி இருந்தார். ஜி.வி.பிரகாஷ்க்கு இது முதல் படம் என்பது இங்கே குறிப்பிடப்பட வேண்டிய ஒன்று.
படத்திற்கு கிடைத்து வரும் வரவேற்பை தொடர்ந்து, டார்லிங் படத்தின் இரண்டாம் பாகத்தை உருவாக்கும் முயற்சிகள் தற்போது படக்குழுவினர் ஈடுபட்டு வருகின்றார்களாம்.
தற்போது இதற்கான பேச்சுவார்த்தை ஸ்டுடியோ கிரீன் நிறுவனத்தில் நடைபெற்று வருகிறதாம்.
விரைவில் டார்லிங் இரண்டாம் பாகம் பற்றிய அதிகாரபூர்வ அறிவிப்பு வெளியாகலாம் என எதிர்பார்க்கப்படுகிறது.
|