3 படத்தை தொடர்ந்து, தனுஸ் மனைவி ஐஸ்வர்யா, வை ராஜா வை என்ற படத்தை இயக்கி வருகிறார்.
இந்த படத்தில், கவுதம் கார்த்திக் நாயகனாகவும், பிரியா ஆனந்த் நாயகியாகவும் நடிக்கின்றனர். விவேக் காமெடி கதாபாத்திரத்தில் நடிக்கிறார். இந்த படத்தின் படபிடிப்பு தற்போது இறுதி கட்டத்தை அடைந்துள்ளது. இந்நிலையில், இந்த படத்தில் ஒரு முக்கிய கேரக்டரில் தனுஸ் நடிப்பதாக தகவல்கள் வெளியாகியுள்ளது.
அதாவது, இந்த படத்தில் திருப்புமுனையான முக்கிய கேரக்டர் ஒன்று உள்ளதாம். அந்த கேரக்டரில் நடிக்கும்படி தனுசிடம் ஐஸ்வர்யா கேட்டுக் கொண்டார். தனுசும் நடிக்க சம்மதித்து உள்ளதாக கூறப்படுகிறது. தனுஷ் நடிக்கும் காட்சிகள் விரைவில் படமாக்கப்பட உள்ளதாம்.
|