2015ம் வருடத்திற்கான இந்திய அளவில் பிரபலமான 100 பேர் கொண்ட பட்டியலை ஃபோர்ப்ஸ் இந்தியா நிறுவனம் தற்போது வெளியிட்டுள்ளது.
இந்த பட்டியலில் ஷாருக் கான் முதலிடத்தைப் பிடித்துள்ளார். சல்மான் கான் இரண்டாம் இடத்தையும் அமிதாப் பச்சன் மூன்றாம் இடத்தையும் பிடித்துள்ளார்கள். இந்த பட்டியலில் தோனிக்கு நான்காவது இடமும் அமீர் கானுக்கு ஐந்தாவது இடமும் கிடைத்துள்ளது. இந்திய நட்சத்திர கிரிக்கெட் வீரர் சச்சின் இந்த பட்டியலில் எட்டாம் இடத்திலும், ஏ.ஆர். ரஹ்மான் 14-ம் இடத்திலும் உள்ளார்கள்.
தமிழகத்தை பொறுத்தவரை தனுஷுக்கு இந்த பட்டியலில் 37-ம் இடம் கிடைத்துள்ளது. இந்த பட்டியலில் கமலுக்கு 46-வது இடமும் காமெடி நடிகர் சந்தானத்துக்கு 52-வது இடமும் ஸ்ருதி ஹாசனுக்கு 61-வது இடமும் ரஜினிக்கு 69-வது இடமும் கிடைத்துள்ளது. பிரபலங்கள் பட்டியலில் தனுஷ், சந்தானம், ஸ்ருதி ஹாசனை விடவும் ரஜினி பின்தங்கியிருப்பது பலரையும் ஆச்சரியப்படுத்தியுள்ளது.
இந்த வருடம் ஷாருக் கான் 257 கோடியைச் சம்பாதித்துள்ளார். சல்மான் ரூ. 202 கோடியையும் அமிதாப் ரூ. 112 கோடியையும் சம்பாதித்துள்ளதாக ஃபோர்ப்ஸ் இந்தியா கூறியுள்ளது.
|