அனேகன், ஷமிதாப் என தனுஷ் நடித்த இரண்டு படங்கள் ரிலீசுக்கு தயாராகி வரும் நிலையில், தனுஷ் தற்போது பாலாஜி மோகன் இயக்கத்தில் ‘மாரி’ என்ற படத்தில் நடித்து வருகிறார்.
இப்படத்தை அடுத்து செல்வராகவன் இயக்கத்தில் புதுப்பேட்டை இரண்டாம் பாகத்தில் நடிக்க இருப்பதாக செய்திகள் வெளியாகியுள்ளன. 2006-ம் ஆண்டு செல்வராகவன் இயக்கத்தில் புதுப்பேட்டை படம் வெளியானது. இதில் சினேகா, சோனியா அகர்வால் உள்ளிட்ட பலர் நடித்திருந்தார்கள். ஆக்ஷன் படமாக உருவான இப்படம் ரசிகர்கள் இடையே வரவேற்பை பெற்றது.
இந்நிலையில், இரண்டாம் உலகம் படத்தை தொடர்ந்து செல்வராகவன் புதுப்பேட்டை 2 படத்தை இயக்கவுள்ளதாக கூறப்படுகிறது. தற்போது கதை விவாதம் நடந்து வருவதாகவும் விரைவில் அதிகாரப்பூர்வமாக அறிவிக்கப்பட இருப்பதாகவும் தகவல் வெளியாகியுள்ளது.
|