|
||||||
காவல் துணை ஆணையர்களுக்கு மாஜிஸ்திரேட் அதிகாரம் - ஜெயலலிதா அறிவிப்பு !! |
||||||
காவல் துணை ஆணையர்களுக்கு மாஜிஸ்திரேட் அதிகாரம் வழங்கப்படும் என முதல்வர் ஜெயலலிதா அறிவித்துள்ளார்.
சென்னையில் 3 நாட்கள் நடந்த ஆட்சியர்கள், காவல் துறை அதிகாரிகளின் மாநாட்டில் நிறைவுரையாற்றிய முதல்வர் ஜெயலலிதா 312 புதிய அறிவிப்புகளை வெளியிட்டார், இந்த அறிவிப்புகளில் முக்கியத்துவம் வாய்ந்த சில அறிவிப்புகள் பின்வருமாறு,
40 வயது முடிந்த காவலர்களுக்கு இலவச முழு உடல் பரிசோதனை :
காவல் துறைக்கு முழு சுதந்திரம் தரப்பட்டதால் சட்டம் ஒழுங்கு நன்றாக உள்ளது என்றார். மேலும், 40 வயது முடிந்த காவலர்களுக்கு ஆண்டுக்கு ஒருமுறை இலவச உடல் பரிசோதனை செய்யப்ப்படும்.
மாஜிஸ்திரேட் அதிகாரம் :
சென்னை நகர காவல் துறையில் துணை ஆணையாளர்களுக்கு மாஜிஸ்திரேட்களுக்கு இணையான அதிகாரம் வழங்கப்பட்டுள்ளது. இது, மற்ற பெருநகரங்களில் உள்ள காவல் துறை துணை ஆணையாளர்களுக்கும் வழங்கப்படும்.
கோவை மாவட்டத்தில் வடவள்ளி, அன்னூர், மதுக்கரை காவல் நிலையங்களுக்கு புதிய கட்டடம் கட்டப்படும். பேரூர் டி.எஸ்.பி. அலுவலகத்துக்கு புதிய முகாம் அலுவலகம் அமைக்கப்படும். கடலூர் மாவட்டம் புவனகிரி காவல் நிலயைத்துக்கு புதிய கட்டடமும், திட்டக்குடி மற்றும் மதுரை மாவட்டம் ஊமச்சிகுளம், திருப்பூர் மவாட்டம் அவிநாசி ஆகிய இடங்களில் உள்ள டி.எஸ்.பி.களுக்கு குடியிருப்புடன் கூடிய அலுவலகங்கள் கட்டப்படும்.
திருச்சி மாவட்டம் திருவெறும்பூரில் புதிதாக தாலுகா மருத்துவமனையும், ஸ்ரீரங்கத்தில் குற்றப் பிரிவு மற்றும் போக்குவரத்துக் காவல் நிலையங்களுக்கும் புதிய கட்டடங்கள் கட்டப்படும்.
விழுப்புரம் மாவட்டத்தில் 35 இடங்களில் உயர்கோபுர மின் விளக்குகள் அமைக்கப்படும்.
தஞ்சாவூர் மாவட்டத்தில் மெலட்டூர், கபிஸ்தலம் காவல் நிலையங்களுக்கு புதிய கட்டடமும், ஈரோடு மாவட்டம் பெருந்துறை டி.எஸ்.பி. அலுவலகத்துக்கு சொந்தக் கட்டடமும் கட்டப்படும்.
தொடர்பு அதிகாரி நியமனம் :
தமிழகத்தில் அனைத்து மாவட்டங்களிலும் உள்ள காவல் நிலையங்களில் ஒரு தொடர்பு அதிகாரி நியமிக்கப்படுவார்.
நிவாரண நிதி உயர்வு:
அடையாளம் தெரியாத வாகனம் மோதி உயிரிழப்போருக்கு நிவாரணம் அதிகரிக்கப்பட்டுள்ளது. அதன்படி, உயிரிழப்புக்கு 2 லட்சம் ரூபாயும், படுகாயம் அடைந்தால் 1 லட்சம் ரூபாயும் நிவாரணம் வழங்கப்படும். |
||||||
by Swathi on 13 Dec 2013 0 Comments | ||||||
Tags: District Collectors Conference Jayalalitha காவல் துணை ஆணையர் மாஜிஸ்திரேட் | ||||||
|
கருத்துகள் | |
|
உங்கள் கருத்துகள் பதிவு செய்ய | ||
|