|
|||||
மழை பெய்யும் நேரங்களில் வாகனம் ஓட்டுபவர்களின் கவனத்திற்கு !! |
|||||
மழை பெய்யத் தொடங்கும் முதல் சில மணி நேரங்கள், வாகனம் ஓட்டுபவர்களுக்கு மிகவும் ஆபத்தானவையே. சாலைகளில் சாதாரண நாட்களில், என்ஜின் ஆயில், கிரீஸ் ஆகியவை சிந்தி கிடக்கும். அதனுடன் மழை நீரும் சேரும்போது சாலை மிகவும் வழுக்கலாக ஆகிவிடும். தொடர்ந்து மழை பெய்யும்போது, வழுக்கும் படலம் நீக்கப்பட்டுவிடும் என்றாலும், ஆரம்பத்தில் கவனமாக இருப்பது அவசியம்.
ஈரமான, வழுக்கும் சாலையில் சறுக்குவதற்கான வாய்ப்பு அதிகம் என்பதால், மிதமான, சீரான வேகத்தில் செல்வது நல்லது.
மழை நேரத்தின்போது சாதாரண வேளையைப் போல பிரேக் சிறப்பாகச் செயல்படுவதில்லை என்பதை ஞாபகத்தில் வையுங்கள்.
சற்று முன்பாகவே பிரேக்கை அழுத்துவதும், வழக்கமான அழுத்தத்தை விட மெதுவாகவும் பிரேக்கை அழுத்துவது நல்லது. அது உங்களுக்கும், உங்களுக்கு முன்னால் உள்ள வாகனத்துக்கும் நிறுத்தும் தூரத்தை அதிகரிப்பதோடு, உங்களுக்குப் பின்னால் வரும் வாகன ஓட்டிக்கு நீங்கள் நிறுத்தப் போகிறீர்கள் என்ற எச்சரிக்கையும் தரும்.
முன்னால் செல்லும் வாகனத்துக்கும், உங்கள் வாகனத்துக்கும் சுமார் 20-30 மீட்டர் இடைவெளி இருக்கட்டும். நெருக்கமாகச் சென்றால், அடுத்த வாகனத்தில் இருந்து அடிக்கும் தண்ணீர் உங்கள் முகத்தில் அடிக்க கூடும்.
ஓடும் தண்ணீரைக் குறுக்கே கடக்க முயற்சிக்காதீர்கள். ஏனெனில் ஓடும் தண்ணீரின் வேகம் உங்கள் வாகனத்தின் எடையை விட அதிகமாகும் பட்சத்தில், அது உங்களுக்கே ஆபத்தாக முடியலாம்.
தண்ணீர் தேங்கிய சாலையில் போக்குவரத்துச் சிக்கலில் மாட்டிக்கொண்டால் வாகனத்தை ஆப் செய்யாதீர்கள். என்ஜின் ஓடிக்கொண்டே இருக்கட்டும். தேங்கியிருக்கும் தண்ணீரின் அளவு தெரியாத நிலையில், சீராக, மெதுவாக வாகனத்தை ஓட்டுங்கள். இடையில் நிறுத்தாதீர்கள். நிறுத்தினால் 'எக்சாஸ்ட் குழாய்'க்குள் தண்ணீர் புகுந்துவிடும்.
வளைவில் திரும்பும்போதும், சாலையில் ஒருபுறமாக ஒதுங்கும்போதும் 'இன்டிகேட்டர்களை' அவசியம் ஒளிர விடுங்கள். மழைநேரத்தின் போது வழக்கமான வேகத்தை விட மெதுவாகத் திரும்புங்கள்.
திறந்திருக்கும் பாதாளச் சாக்கடை மூடியில் சிக்கிக்கொள்வதைத் தவிர்க்க, சாலையின் மத்தியில் செல்லுங்கள். உங்களுக்கு முன்னால் செல்லும் வாகனத்தைக் கவனித்து, அதைப் பின்பற்றிச் செல்லுங்கள். |
|||||
by Swathi on 21 Dec 2013 0 Comments | |||||
Tags: மழைக்காலம் வாகனம் ஓட்டுபவர்கள் வாகனம் ஓட்டுபவர்கள் கவனத்திற்கு Safety Tips Rain Driving Safety Raining Season | |||||
Disclaimer: |
|||||
கருத்துகள் | |
|
உங்கள் கருத்துகள் பதிவு செய்ய | ||
|