LOGO
  முதல் பக்கம்    செய்திகள்    தமிழ்நாடு-Tamil Nadu Print Friendly and PDF

கிழக்குத் தொடர்ச்சி மலையில் வாழும் 308 வகை பறவைகள்: கணக்கெடுப்பில் தகவல்!

சேலம் மாவட்டத்தில் உள்ள கிழக்குத் தொடர்ச்சி மலைத்தொடர் உள்ளிட்ட பகுதிகளில் 308 வகை பறவைகள் உயிர் வாழ்வதாக, சேலம் இயற்கை மற்றும் வனவாழ் உயிரின அறக்கட்டளை கணக்கெடுப்பில் தெரிய வந்துள்ளது. சென்னை மாகாணமாக இருந்த காலகட்டத்தில் 1929-ஆம் ஆண்டில் ஏப்ரல், மே, ஜூன் ஆகிய மாதங்களில் கென்னர் மற்றும் விஷிலர் ஆகிய இரு ஆங்கிலேய சுற்றுச்சூழல் ஆர்வலர்கள் பறவைகள் கணக்கெடுப்பை நடத்தியதாக தகவல்கள் தெரிவிக்கின்றன.

ஏற்காடு மலை அடிவாரமான குரும்பப்பட்டி பூங்கா பகுதியில் முகாம் அமைத்து அவர்கள் தங்கி, பறவைகள் கணக்கெடுப்பு மேற்கொண்டனர். கிழக்குத் தொடர்ச்சி மலைத் தொடர் அமைந்துள்ள சேர்வராயன் மலையில் உள்ள ஏற்காடு உள்ளிட்ட பல்வேறு பகுதிகளில் எடுத்த கணக்கெடுப்பில் 197 வகை பறவைகள் உயிர் வாழ்ந்ததாகப் பதிவு செய்துள்ளனர்.

ஏற்காடு மலைப் பகுதியில் பாறு கழுகுகள் எனப்படும் பிணந்தின்னிக் கழுகுகள், சாம்பல் நிற இருவாச்சி (கிரே ஹார்ன்பில்) பறவைகள் உயிர் வாழ்ந்ததாகப் பதிவு செய்துள்ளனர். ஆனால், சுற்றுச்சூழல் மற்றும் வாழிடம் உள்ளிட்ட சூழல் பிரச்னையால் கிழக்குத் தொடர்ச்சி மலைப் பகுதியில் இருந்து இந்தப் பறவைகள் இடமாறிச் சென்றுவிட்டதாக சுற்றுச்சூழல் ஆர்வலர்கள் தெரிவிக்கின்றனர். அதைத் தொடர்ந்து, டேவிட் பேட்ரிக் என்ற சுற்றுச்சூழல் ஆர்வலர் பறவைகள் கணக்கெடுப்பை மறு மதிப்பீடு செய்ததாகவும் தகவல்கள் தெரிவிக்கின்றன.

சேலம் மாவட்டத்தில் பறவைகள் கணக்கெடுப்பு பெரிய அளவில் நடத்தப்படவில்லை எனக் கூறப்படுகிறது.

இந்த நிலையில், சுற்றுச்சூழலில் ஆர்வம் கொண்ட வி.கோகுல் மற்றும் புவியியல் வல்லுநர் என்.முருகேசன் ஆகியோர் சேலம் இயற்கை மற்றும் வனவாழ் உயிரின அறக்கட்டளையை 2015-இல் நிறுவினர். 
இதன் மூலம் கிழக்குத் தொடர்ச்சி மலையில் வாழும் பறவை இனங்களைக் கணக்கெடுக்கத் தொடங்கினர். அந்த வகையில், சேலம் மாவட்டத்தில் 2018, 2019-இல் மேற்கொள்ளப்பட்ட பறவைகள் கணக்கெடுப்பில் சுமார் 308 வகை பறவைகள் உயிர் வாழ்வதாகக் கணக்கிட்டு உள்ளனர்.

ஏற்காடு மலை அடிவாரம், ஏற்காடு மலை, கல்வராயன் மலை (கருமந்துறை) உள்ளிட்ட மாவட்டம் முழுவதும் உள்ள வன சரகத்தில் மேற்கொண்ட கணக்கெடுப்பில் இது தெரிய வந்துள்ளது.
இதுதொடர்பாக, சேலம் இயற்கை மற்றும் வனவாழ் உயிரின அறக்கட்டளை நிர்வாகிகள் வி.கோகுல், என்.முருகேசன் ஆகியோர் கூறியதாவது:

ஆங்கிலேயர்கள் கடந்த 1929-இல் மேற்கொண்ட கணக்கெடுப்பில் 197 வகை பறவைகள் இருப்பதாகப் பதிவு செய்யப்பட்டு உள்ளது. ஆனால், அதன்பின்னர் பறவைகள் கணக்கெடுப்பு செய்யப்படவில்லை. 
இந்த நிலையில், 2015 முதல் பல்வேறு நிலைகளில் கிழக்குத் தொடர்ச்சி மலையில் உயிர் வாழும் பறவைகளைக் கணக்கெடுக்க முடிவு செய்தோம். அதன்படி, 2018-ல் முழுமையான கணக்கெடுப்பு நடத்தப்பட்டது. 
இதில் ஏற்காடு மலையில் வாழும் மஞ்சள் தொண்டை சின்னான், வெண் பிடரி பட்டாணிக் குருவி, நீலகிரி ஈ பிடிப்பான், மரகதப் புறா, செம்மீசை சின்னான், மாங்குயில், வெள்ளைக்கண்ணி, அரசவால் ஈ பிடிப்பான், செந்தலைக்கிளி, துடுப்புவால் கரிச்சான், காட்டு பாம்புக் கழுகு, குடுமி பருந்து, சிறிய காட்டுப் பருந்து உள்ளிட்ட அரிய வகை பறவைகள் உயிர் வாழ்வது தெரியவந்தது. இதில் மேற்குத் தொடர்ச்சி மலைகளில் மட்டும் காணப்பட்ட நீலகிரி ஈ பிடிப்பான், கிழக்குத் தொடர்ச்சி மலையில் உயிர் வாழ்வது தெரியவந்துள்ளது. குறிப்பாக, சைபீரியாவில் வாழும் அமூர் வல்லூறு (அமூர் பால்கன்) சைபீரியாவில் இருந்து இந்தியாவின் வட கிழக்கு மாநிலங்கள் வழியாக வந்து, தமிழகத்தில் கிழக்குத் தொடர்ச்சி மலைத்தொடர் உள்ள ஏற்காட்டில் சிறிது தங்கி சென்றது தெரிய வந்துள்ளது. 

பின்னர், மீண்டும் புறப்பட்டு தென்னாப்பிரிக்காவில் தனது பயணத்தை வல்லூறு நிறைவு செய்யும். அதேபோல, சேலம் மூக்கனேரி உள்ளிட்ட நீர்நிலைகள், விவசாய நிலம் சார்ந்த இடங்களில் உயிர் வாழும் புள்ளி மூக்கு வாத்து, முக்குளிப்பான், நீலத்தாழைக்கோழி, செந்நீல நாரை, சிறிய நீல மீன் கொத்தி, வெண்மார்பு மீன் கொத்தி, கருப்பு வெள்ளை மீன் கொத்தி, கரிச்சான், பனங்காடை, இந்திய பக்கி, மாம்பழ சிட்டு, புதர் வானம்பாடி, காட்டு கீச்சான் ஆகியவையும் இருப்பது தெரிய வந்துள்ளது.

ஏற்காடு மலைப் பகுதியில் மட்டும் நூற்றுக்கணக்கான பறவைகள் உயிர் வாழ்வது தெரியவந்துள்ளது. 2019-ல் மாவட்டத்தில் உள்ள வனவிலங்குகள் கணக்கெடுப்பையும் இந்த அறக்கட்டளை மேற்கொண்டு உள்ளது. 
மாவட்ட வனத்துறை மற்றும் வன உயிரின நிதியம் ஆகியவையுடன் இணைந்து வன விலங்கு கணக்கெடுப்பு நடத்தப்பட்டு உள்ளது. மேட்டூர் வனப் பகுதியில் காட்டு யானைகள், சிறுத்தைப்புலி இருப்பதும் தெரியவந்துள்ளது. மேலும், ஏற்காடு பகுதியில் காட்டெருமை, காட்டுப் பூனை உள்ளிட்ட பல்வேறு வன விலங்குகள் இருப்பதும் தெரியவந்துள்ளது. 

மாவட்டத்தில் பல்வேறு இடங்களில் கேமராக்களை நிறுவி வனவிலங்குகள் கணக்கெடுப்பு பணி மேற்கொள்ளப்பட்டது. விரைவில் முழு அளவில் ஆய்வு செய்யப்பட்டு, வனவிலங்குகள் குறித்த தகவல்களை மாவட்ட வனத்துறையினர்  வெளியிடுவார்கள்.
இவ்வாறு அவர்கள் கூறினார்கள்.

by   on 16 May 2019  0 Comments
 தொடர்புடையவை-Related Articles
ஜப்பானியப் பேராசிரியர் சுசுமு ஓனோ நூற்றாண்டு விழாவும்  முனைவர் மு. இளங்கோவனின்  தொல்லிசையும் கல்லிசையும் நூல் வெளியீட்டு விழாவும் ஜப்பானியப் பேராசிரியர் சுசுமு ஓனோ நூற்றாண்டு விழாவும் முனைவர் மு. இளங்கோவனின் தொல்லிசையும் கல்லிசையும் நூல் வெளியீட்டு விழாவும்
மனிதனின் மூளையை கணினிகள் மழுங்கடிக்கின்றன: விஞ்ஞானி மயில்சாமி அண்ணாதுரை பேச்சு! மனிதனின் மூளையை கணினிகள் மழுங்கடிக்கின்றன: விஞ்ஞானி மயில்சாமி அண்ணாதுரை பேச்சு!
சுதந்திர தின விழா: சென்னையில் ஏற்பாடுகள் மும்முரம்! சுதந்திர தின விழா: சென்னையில் ஏற்பாடுகள் மும்முரம்!
அணையின் நீர்மட்டம் 100 அடியை எட்டியதால் மேட்டூர் அணையை முதல்வர் எடப்பாடி பழனிசாமி திறந்து வைத்தார்! அணையின் நீர்மட்டம் 100 அடியை எட்டியதால் மேட்டூர் அணையை முதல்வர் எடப்பாடி பழனிசாமி திறந்து வைத்தார்!
கல்லூரிப் படிப்புடன் இந்திய ஆட்சி பணி தேர்வுக்கு பயிற்சி- சென்னையில் 7-ந் தேதி முதல் வகுப்புகள் ஆரம்பம்! கல்லூரிப் படிப்புடன் இந்திய ஆட்சி பணி தேர்வுக்கு பயிற்சி- சென்னையில் 7-ந் தேதி முதல் வகுப்புகள் ஆரம்பம்!
திட்டமிட்டபடி ஆகஸ்ட் 17 -ந் தேதி அத்திவரதர் குளத்திற்குள் செல்வார் : மாவட்ட ஆட்சியர் தகவல்! திட்டமிட்டபடி ஆகஸ்ட் 17 -ந் தேதி அத்திவரதர் குளத்திற்குள் செல்வார் : மாவட்ட ஆட்சியர் தகவல்!
உச்ச நீதிமன்ற கிளையை,  சென்னையில் அமைக்க வெங்கையா நாயுடு வலியுறுத்தல்! உச்ச நீதிமன்ற கிளையை, சென்னையில் அமைக்க வெங்கையா நாயுடு வலியுறுத்தல்!
கர்நாடகாவில் இருந்து தண்ணீர் திறப்பு: மேட்டூர் அணைக்கு நீர்வரத்து அதிகரிப்பு! கர்நாடகாவில் இருந்து தண்ணீர் திறப்பு: மேட்டூர் அணைக்கு நீர்வரத்து அதிகரிப்பு!
கருத்துகள்
No Comments found.
உங்கள் கருத்துகள் பதிவு செய்ய
பெயர் *
இமெயில் *
கருத்து *

(Maximum characters: 1000)   You have characters left.
Write reCAPTCHA code *
 
இயல்பாக நீங்கள் டைப் செய்யும் எழுத்துக்கள் Space bar அழுத்தியவுடன் தமிழில் தோன்றும். உங்கள் எழுத்துக்கள் ஆங்கிலத்தில் இருக்க CTRL+G press செய்யவும்.
முக்கிய குறிப்பு:

வலைத்தமிழ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் தணிக்கை இன்றி உடனடியாக பிரசுரமாகும் வகையில் மென்பொருள் வடிவமைக்கப்பட்டுள்ளது. எனவே, வாசகர்களின் கருத்துக்களுக்கு வலைதமிழ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள்.  பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு. கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு info@ValaiTamil.com என்ற  இ-மெயில் முகவரிக்கு தொடர்பு கொள்ளவும்.