குரு சுக்ரன் படத்தில் 48 மணிநேரம் இடைவிடாமல் சண்டைக் காட்சியில் நடித்த புதுமுகம் !!

குரு கமலம் அசோசியேட்ஸ் என்ற பட நிறுவனம் சார்பாக குமுதவள்ளி ராஜேந்திரன்  தயாரிக்கும் படம் குரு சுக்ரன்.

இந்த படத்தில் குரு, கமல்நாத் இருவரும் கதாநாயகர்களாக அறிமுகமாகிறார்கள்.          

கதாநாயகிகளாக திரிபுரா, சாத்னா டைட்டஸ் ஆகியோர் நடிக்கிறார்கள். மற்றும் ரவிராகுல், சிங்கமுத்து, சண்முகராஜன், ஆடுகளம் நரேன், அருள்மணி, சென்ராயன், சுதாசந்திரன், ஸ்ரீ ரஞ்சனி, கருத்தம்மா ராஜஸ்ரீ,அவன் இவன் ராமராஜன் ஆகியோர் நடிக்கிறார்கள். செல்லத்துரை ஒளிப்பதிவு செய்ய, சந்தோஷ் சந்திரபோஸ் இந்த படத்திற்கு இசை அமைக்கிறார்.  

குரு சுக்ரன் படம் குறித்து இயக்குனர் கூறும் போது,  

இந்த படத்தில் குரு, கமல்நாத் இருவரும் அறிமுகமாகிறார்கள் இருவருமே ட்வின்ஸ்.  சமீபத்தில் குரு வில்லன் அருள்மணியுடன் மோதும் ஒரு சண்டைகாட்சி மீனம்பாக்கத்தில் உள்ள பின்னி மில்லில் அரங்கு அமைக்கப்பட்டு படமாக்கப்பட்டது. 48 மணி நேரம் தொடர்ந்து இடைவிடாமல் சண்டைக் காட்சி படமாக்கப்பட்டது.

சினிமா அனுபவம் இல்லாத ஒரு புதுமுகம் 48 மணி நேரம் ஸ்டன்ட் காட்சியில் பங்குபெற்றது ஆச்சர்யமான விஷயம் என்று பாராட்டு தெரிவித்துள்ளார்கள் இயக்குனர் ஆனந்தும் ஸ்டன்ட் இயக்குனர் மிரட்டல் செல்வாவும்.   படப்பிடிப்பு விறுவிறுப்பாக நடைபெற்றுக் கொண்டிருகிறது என்றார் ஆனந்த்.