உலகின் மிகவும் பிரபலமான பல்கலைக்கழங்களில் ஒன்றான ஹார்வர்ட் பல்கலைக்கழகத்தில் தனியாகத் தமிழ்துறை ஒன்று விரைவில் துவங்கப்பட உள்ளது.
ஆறு மில்லியன் அமெரிக்க டாலர்கள் முதலீட்டில் உருவாக இருக்கு இந்தத் துறைக்கு கொள்கை அளவிலான ஒப்புதலை அப்பல்கலைக்கழகம் சில தினங்களுக்கு முன்னர் வழங்கியுள்ளதாக இந்த முன்னெடுப்பைச் செய்தவர்களில் ஒருவரான டாக்டர் விஜயராகவன் ஜானகிராமன் தெரிவித்துள்ளார்.
விஜயராகவன் ஜானகிராமனும், அவரும் அவரது நண்பரும் சக மருத்துவருமான திருஞானசம்பந்தனும் சேர்ந்து ஒரு மில்லியன் டாலர்களை இதற்காக அளித்துள்ளதாகவும், இதர ஐந்து மில்லியன் டாலர்களை வட அமெரிக்காவில் வாழும் தமிழர்களும், தமிழ்ச் சங்கங்களும் அளிக்க முன்வந்துள்ளதாகவும் அவர் கூறினார்.
ஆறு மில்லியன் டாலர்கள் எவ்வளவு விரைவாக அவர்களிடம் அளிக்கப்படுகிறதோ அவ்வளவு விரைவாக ஹார்வர்ட் பல்கலைக்கழகத்தில் தமிழ்த்துறை தொடங்கும் என்று அவர் கூறினார்.
இந்த செய்தி சமீபத்தில் கலிபோர்னியாவில் நடைபெற்ற வட அமெரிக்கத் தமிழ்ச்சங்கத்தின் 28வது பேரவை விழாவில் அறிவிக்கப்பட்டது..
|