லக்ஷ்மண் இயக்கத்தில் ஜெயம் ரவி , ஹன்சிகா நடிப்பில் உருவாகி வரும் படம் ரோமியோ ஜூலியட். இந்த படத்தின் பாடல்கள் சமீபத்தில் வெளியாகி சுமாரான ஹிட் பெற்றுள்ளது. முன்னதாக படத்தின் ஒரு பாடலாக அனிருத் பாடிய டண்டனக்கா பாடல் வெளியானது. அப்பாடலில் டி.ஆரை அவமதித்ததாக கூறப்பட்டது, இது பற்றி நடிகர் ஜெயம்ரவி கூறும்போது,
ரோமியோ ஜூலியட் படத்தில் நான் விஜய டி.ராஜேந்தரின் ரசிகனாக நடித்திருக்கிறேன். அவரது தன்னபிக்கையும், எதுவும் என்னால் முடியும் முயற்சி செய்து பார். இதுவும் முடியும் இதுக்கு மேலும் முடியும் என்கிற அவரது தன்னம்பிக்கை தான் என் கதாப்பாத்திரத்தின் இன்ஸ்பிரேஷன்.
அதனால் தான் அவரது எவர்கிரீன் வரிகளான டண்டணக்கா என்கிற வரிகளையும், அவரையும் சேர்த்து இந்த பாடலில் பதிவு செய்து இருக்கிறோம். எந்த ஒரு வரிகளிலும், வார்த்தைகளிலுமே அவரை குறைவாக குறிப்பிடவில்லை. அவரை பெருமை படுத்தும் விதமாகவே பாடல் உருவாக்கப் பட்டுள்ளது. நான் எப்போதுமே எந்த விதமான கருத்து மோதல்களிலும் சிக்கியதில்லை. எங்க அப்பா, அம்மாவுக்கு எப்படி செல்லப் பிள்ளையாக இருக்கிறேனோ அதே மாதிரியே எல்லாருக்கும் செல்லப் பிள்ளையாக இருக்க ஆசைப்படுகிறேன்.
அதனால் தயவு செய்து இந்த பாடலை யாரும் ரீமிக்ஸ் செய்து தன்னம்பிக்கை தமிழனான டி.ஆர் அவர்களின் மனதை புண்படுத்த வேண்டாம் என்று அன்புடன் கேட்டுக்கொள்வதாக கூறியிருக்கிறார் ஜெயம் ரவி..
|