அருந்ததீ என்ற படத்தின் மூலம் தமிழ் ரசிகர்களுக்கு பிரபலமான அனுஷ்கா, தொடர்ந்து தமிழ், தெலுங்கு என பல மொழிகளில் வித்தியாசமான, அசாத்தியமான கதாபாத்திரங்களை ஏற்று திறமையாக நடித்து வருகிறார். இதனால், தமிழ் மற்றும் தெலுங்கு உலகில் இவருக்கு ஏராளமான ரசிகர்கள் உள்ளனர்.
இந்நிலையில், இவரது ரசிகர்கள் இவரை தற்போது லேடி சூப்பர்ஸ்டார் என்று அழைக்கத் தொடங்கியுள்ளனர். இதுகுறித்து அனுஷ்காவிடம் கேட்டபோது, என்னுடைய ரசிகர்கள் என்னை லேடி சூப்பர் ஸ்டார் என்று அழைப்பதை ஏற்றுக் கொள்ள மாட்டேன். சினிமாவில் உண்மையான லேடி சூப்பர் ஸ்டார்கள் நிறைய பேர், என்னைவிட நிறைய சாதித்திருக்கிறார்கள். அதில் நான் 5 சதவீதம்தான் சாதித்திருக்கிறேன். என்னை ரசிகர்கள் எப்போதும் ஸ்வீட்டி, அனுஷ்கா என்று அழைப்பதை நான் விரும்புகிறேன் என்றார்.
அனுஷ்கா நடிப்பில் தமிழ், தெலுங்கில் உருவாகியுள்ள ருத்ரமாதேவி படம் வருகிற அக்டோபர் 9-ந் தேதி தெலுங்கில் வெளியாகவிருக்கிறது. அதைத் தொடர்ந்து தமிழ் பதிப்பும் விரைவில் வெளிவரவிருக்கிறது என்பது குறிப்பிடத்தக்கது.
|