|
|||||
முடிந்தது ஐ படத்தின் படபிடிப்பு... கேக் வெட்டி கொண்டாடிய படக்குழுவினர்... |
|||||
பிரமாண்ட இயக்குனர் ஷங்கர் இயக்கத்தில், விக்ரம், எமி ஜாக்சன் நடிப்பில் உருவாக்கி இருக்கும் படம் ஐ. இந்த படத்தை ஆஸ்கார் ரவிச்சந்திரன் மிகப்பெரிய பட்ஜெட்டில் தயாரித்துள்ளார். இசை புயல் ஏ.ஆர்.ரஹ்மான் இந்த படத்திற்கு இசை அமைத்துள்ளார். கடந்த சில தினங்களுக்கு முன் வெளியான ஐ படத்தின் பாடல்களும், டீஸரும் ரசிகர்கள் மத்தியில் பெரும் வரவேற்பை பெற்றுள்ளது. டீஸரை இதுவரை 60 இலச்சத்திற்கும் மேற்பட்ட பார்வையாளர்கள் பார்த்துள்ளனர் என்பது குறிப்பிடத்தக்கது. இதற்கு முன்பு எந்த ஒரு தமிழ் படத்தின் டீஸரையும் இவ்வளவு பார்வையாளர்கள் பார்த்ததில்லை. இந்நிலையில் இரண்டரை ஆண்டுகளாக நடந்து வந்த ஐ படத்தின் படப்பிடிப்பு தற்போது முடிவுக்கு வந்துவிட்டது. இதனை படக்குழுவினர் கேக் வெட்டி கொண்டாடினர். இதில் படத்தின் இயக்குனர் ஷங்கர், நாயகன் விக்ரம், நாயகி எமி ஜாக்சன் உள்பட பலர் கலந்துகொண்டனர். இந்த தகவலை படத்தின் நாயகியான எமி ஜாக்சனும் தனது டுவிட்டர் பக்கத்தில் பகிர்ந்துள்ளார். அதில், இரண்டரை ஆண்டுகளுக்கு முன் ஆரம்பிக்கப்பட்ட ஐ படத்தின் படப்பிடிப்பு முடிவடைந்த சந்தோஷத்தில் இருக்கிறோம் என தெரிவித்துள்ளார். ஐ படத்தின் படபிடிப்புகள் முடிவடைந்துள்ள நிலையில், விரைவிலேயே ஐ படத்தின் அதிகாரப்பூர்வ ரிலீஸ் தேதி அறிவிக்கப்படும் என்று எதிர்பார்க்கப்படுகிறது. |
|||||
by Swathi on 26 Sep 2014 0 Comments | |||||
Tags: I Movie I Movie Shooting ஐ ஐ திரைப்படம் | |||||
கருத்துகள் | |
|
உங்கள் கருத்துகள் பதிவு செய்ய | ||
|