உலகின் சிறந்த 25 இசை அமைப்பாளர்களின் பட்டியலில் தமிழக இசை அமைப்பாளர் இளையராஜா ஒன்பதாவது இடத்தை பிடித்துள்ளார்.
டேஸ்ட் ஆஃப் சினிமா என்ற சினிமா தொடர்பான இணையதளம், சிறந்த இசை கோர்ப்பு, இசை கருவிகளை ஒருங்கிணைப்பது, பாடகர், பாடலாசிரியர் ஆகிய சிறப்பு தகுதிகளின் அடிப்படையில், உலகின் சிறந்த 25 இசை அமைப்பாளர்கள் பட்டியலை வெளியிட்டுள்ளது.
இதில் இத்தாலிய இசைஅமைப்பாளர் மெர்ரிகோன் முதல் இடத்தையும், ஆஸ்திரேலியாவில் பிறந்த அமெரிக்க இசை அமைப்பாளர் மேக்ஸ் ஸ்டைனர் இரண்டாவது இடத்தையும், அமெரிக்க கம்போசர் ஜான் வில்லியம்ஸ் மூன்றாவது இடத்தையும் பிடித்துள்ளனர். அதில் இந்தியாவை சேர்ந்த இளையராஜா 9வது இடத்தை பிடித்திருக்கிறார். இளையராஜா இதுவரை 4500 க்கும் மேற்பட்ட பல மொழிப் பாடல்களுக்கும், 950க்கும் மேற்பட்ட படங்களுக்கும் இசை அமைத்துள்ளார் என்பது குறிப்பிடத்தக்கது.
|