நடிகர் விஜய் தற்போது சிம்புதேவன் படத்தில் நடித்து வருகிறார். புலி எனப் பெயரிடப்பட்டுள்ள இந்த படத்தில் விஜய்க்கு இரட்டை வேடமாம்.
விஜய்க்கு ஜோடியாக ஸ்ருதிஹாசன், ஹன்சிகா ஆகியோர் நடிக்கின்றனர். மேலும், ஸ்ரீதேவி கபூர், கன்னட நடிகர் சுதீப் ஆகியோரும் முக்கிய கதாபாத்திரங்களில் நடிக்கின்றனர்.
இந்த படத்திற்கு தேவிஸ்ரீபிரசாத் இசையமைக்கிறார். நட்டி என்ற நடராஜ் சுப்ரமணியம் படத்திற்கு ஒளிப்பதிவு செய்கிறார்.
தேவிஸ்ரீபிரசாத் இசையில் இப்படத்தில் 6 பாடல்கள் இடம் பெறுகின்றன. இதில் மூன்று பாடல்களுக்கு இசையமைத்துவிட்டார். அதில் ஒரு பாடலுக்காக ஈசிஆரில் பிம்மாண்டமாக செட் அமைத்து படமாக்கியுள்ளனர்.
இன்னும் மூன்று பாடல்களுக்கு இசையமைக்கவுள்ளார் தேவிஸ்ரீபிரசாத். இந்த மூன்று பாடல்களில் ஒரு பாடலுக்கு விஜய்-சுருதியை பாட வைக்க முடிவு செய்திருக்கிறாராம்.
தான் நடிக்கும் படங்களில் வழக்கமாக ஒரு பாடல் பாடிவருகிறார் விஜய். சமீபத்தில் வெளியான துப்பாக்கி, ஜில்லா, தலைவா, கத்தி ஆகிய படங்களில் விஜய் பாடியுள்ள பாடல்கள் மிகப்பெரிய அளவில் வெற்றி பெற்றுள்ளது குறிப்பிடத்தக்கது. சுருதிஹாசனும் பாட்டு பாடுவதில் வல்லவர். இவர்கள் கூட்டணியில் சூப்பர் ஹிட் பாடல் ‘புலி’ படத்தில் இடம்பெறும் என்று கண்டிப்பாக எதிர்பார்க்கலாம்.
|