கார்த்திக் சுப்புராஜ் இயக்கத்தில், சித்தார்த் மற்றும் லட்சுமி மேனன் நடித்திருக்கும் படம் ஜிகர்தண்டா.
இந்த படத்தை ஃபைவ் ஸ்டார் பிலிம்ஸ் நிறுவனம் தயாரிக்கிறது. அட்டகத்தி, பீட்சா, சூதுகவ்வும் போன்ற படங்களுக்கு இசை அமைத்த சந்தோஷ் நாராயணன் இந்த படத்திற்கு இசை அமைக்கிறார்.
மதுரையை கதைக் களமாக கொண்டு ஆக்ஷன் த்ரில்லராக உருவாகி இருக்கும் இந்தப்படத்தில் வில்லனாக சிம்ஹா மிரட்டியுள்ளார்.
கார்த்திக் சுப்புராஜ் இயக்கிய முதல் படமான பீட்சா திரைப்படம் வணிக ரீதியாகப் பெருவெற்றி பெற்றதுடன், மிகச் சிறந்த படமாகவும் பாராட்டப்பெற்றது. பல்வேறு விருதுகளைப் பெற்றதுடன், சர்வதேசத் திரைப்பட விழாக்களிலும் திரையிடப்பட்டது. பீட்சா திரைப்படத்தைத் தொடர்ந்து இவர் இயக்கும் படமென்பதால் ஏற்கெனவே ஜிகர்தண்டா திரைப்படத்தைப் பற்றிய எதிர்பார்ப்புகள் அதிகரித்துக் கொண்டே இருக்கிறது.
இந்நிலையில் ஜிகர்தண்டா படம் கோடை விடுமுறையை முன்னிட்டு வரும் மே-23ம் தேதி ரிலீஸ் ஆகிறதாம்.
|
