நீண்ட இடைவெளிக்குப் பிறகு ஜோதிகா 36 வயதினிலே என்ற படத்தின் மூலம் தமிழ் சினிமாவுக்கு ரீஎன்ட்ரி ஆனார். இந்தப்படத்தின் வெற்றியைத் தொடர்ந்து ஜோதிகா மீண்டும் நடிப்பில் கவனம் செலுத்த இருக்கிறார். இதற்காக பல கதைகளை கேட்ட அவர் தற்போது ராகவா லாரன்ஸ் இயக்கும் நாகா என்ற படத்தில் நடிப்பார் என தகவல்கள் வெளியாகியுள்ளது.
வேந்தர் மூவிஸ் தயாரிப்பில், ராகவா லாரன்ஸ், மொட்ட சிவா கெட்ட சிவா, நாகா ஆகிய இரண்டு படங்களை இயக்கி நடிக்க இருக்கிறார். இவ்விரு படங்களின் தொடக்க விழா சென்னையில் நேற்று நடைபெற்றது. இந்த விழாவில் படத்தின் ஒரு சில புகைப்படங்கள் வெளியிடப்பட்டது. ஆனால் இதுவரை படத்தின் கதாநாயகி யார் என்பது அதிகாரப்பூர்வமாக அறிவிக்கப்பட்டவில்லை. லாரன்ஸ் படத்தில் விஜய் டிவி நிகழ்ச்சி தொகுப்பாளர் டிடி ஒரு சிறப்பு கதாபாத்திரத்தில் நடிப்பார் என சொல்லப்படுகிறது
|