விஸ்வரூபம் படத்தை தொடர்ந்து கமல் நடிப்பில் விரைவில் வெளிவர இருக்கும் படம் உத்தம வில்லன்.
இந்த படத்தை கமலின் நண்பர் ரமேஷ் அரவிந்த் இயக்கியுள்ளார். கமல் இரட்டை வேடத்தில் நடிக்கும் இந்த படத்தில் பாலச்சந்தர், ஊர்வசி, ஆண்ட்ரியா, பூஜா குமார், பார்வதி நாயர், ஜெய் ராம், என ஒரு நடிகர்கள் பட்டாளமே நடித்துள்ளது.
இப்படத்தில் ஒரு கமல் வில்லனாகவும் வருகிறாராம். படத்தின் பெயரே உத்தம வில்லன் என்பதால் இதுவரை தமிழில் வில்லன்களாக நடித்து கலக்கிய முக்கிய வில்லன்களின் மத்தியில் இசையை வெளியிட கமல் முடிவு செய்துள்ளாராம்.
இதில் நம்பியார் உள்ளிட்ட மறைந்த மாபெரும் வில்லன் நடிகர்களுக்கு மரியாதையும் செலுத்தப்பட உள்ளதாக நெருங்கிய வட்டாரங்கள் தெரிவித்துள்ளனர்.
உத்தம வில்லன் படத்தில் இசை வருகிற மார்ச் 1ம் தேதி வெளியாக உள்ளது குறிப்பிடத்தக்கது.
|