முனி, காஞ்சனா ஆகிய படங்களைத் தொடர்ந்து, லாரன்ஸ் இயக்கி,நடிக்கும் அடுத்த படம் காஞ்சனா 2.
இந்த படத்தின் லாரன்ஸுக்கு ஜோடியாக டாப்சியும், நித்யா மேனனும் நடித்திருக்கிறார்கள்.
கடந்த இரண்டு வருடங்களாக படபிடிப்பில் இருந்து வரும் இந்த படத்தின் படபிடிப்பு வேலைகள் அனைத்தும் தற்போது முடிந்து விட்டது. இறுதியாக இதன் தெலுங்கு, தமிழ் டப்பிங் பணிகளும், பின்னணி இசை கோர்ப்பு பணிகளும் நடந்து வருகிறது. அதே நேரத்தில் சென்னை மற்றும் மும்பையில் படத்தின் கிராபிக்ஸ் காட்சிகள் உருவாக்கப்பட்டு வருகிறது.
காஞ்சனா படத்தின் கிளைமாக்சில் கையாளப்பட்ட கிராபிக்ஸ் காட்சி பெருமளவில் பேசப்பட்டதால் இந்தப் படத்தின் கிராபிக்ஸ் காட்சிகளுக்கு ரொம்பவே மெனக்கெடுகிராரம் லாரன்ஸ். கிராபிக்ஸ் காட்சிகளுக்காக 2 கோடி ரூபாய் செலவு செய்திருக்கிறார்.
படத்தில் 20 நிமிடங்கள் வரை கிராபிக்ஸ் காட்சிகள் இடம் பெறுகிறதாம். அதில் பத்து நிமிட காட்சிகள் அனிமேஷன் காட்சிகள் தான் என கண்டுபிடிக்க முடியாதபடி இருக்குமாம்.
|