மெட்ராஸ் படத்தை தொடர்ந்து நடிகர் கார்த்தி முத்தையா இயக்கத்தில் கொம்பன் என்ற படத்தில் நடித்து வருகிறார்.
இந்த படத்தில் முதன் முறையாக கார்த்திக்கு ஜோடியாக லக்ஷ்மி மேனன் நடித்துள்ளார். மேலும் படத்தில் ராஜ்கிரண், கோவை சரளா, தம்பி ராமையா மற்றும் பலர் நடித்துள்ளனர்.
இந்த படத்திற்கு ஜி.வி.பிரகாஷ் குமார் இசையமைக்கிறார். படத்தின் பெரும்பகுதி படப்பிடிப்பை மதுரை மற்றும் ராமநாதபுரத்தை சுற்றியுள்ள பகுதிகளில் எடுத்து முடித்திருக்கிறார்கள். முழு படப்பிடிப்பும் முடிந்துவிட்ட நிலையில், தற்போது படத்தின் டப்பிங் பணிகள் நடைபெற்றுக் கொண்டிருக்கின்றன.
இந்நிலையில் கொம்பன் படத்தில் கார்த்தி ஒரு கசாப்பு கடைக்காரராக நடித்துள்ளதாக தகவல்கள் வெளியாகியுள்ளது. அதுமட்டுமின்றி படத்தில் கார்த்தி கொம்பையா பாண்டியன் என்கிற கதாபாத்திரத்தில் நடித்துள்ளதாகவும் கூறப்படுகிறது.
வரும் பொங்கல் பண்டிகையை முன்னிட்டு கொம்பன் திரைக்கு வர இருக்கிறது என்பது குறிப்பிடதக்கது,
|