குட்டிப்புலி படத்தை இயக்கிய முத்தையா இயக்கத்தில் கார்த்தி, லக்ஷ்மிமேனன், ராஜ்கிரண் ஆகியோர் நடித்திருக்கும் படம் கொம்பன். கடந்த பொங்கல் அன்றே வெளியாக இருப்பதாக அறிவிக்கபப்ட்ட இந்த படம் ஒரு சில காரணங்களால், தள்ளிவைக்கப்பட்டு மார்ச் 27 அன்று வெளியாகும் என அறிவிக்கப்பட்டது. இதேநாளில் சிம்புவின் வாலு படம் உட்பட இன்னும் ஒரு சில சிறிய படங்களும் வெளிவர இருந்தன.
வாலு படம் மார்ச் 27 அன்று வெளிவரவில்லை என்றும், மே1 ஆம் தேதி அன்று ரிலீஸ் ஆகவிருப்பதாகவும் தகவல் அடிபட்டது ஆனால் அது உறுதி படுத்தப்படவில்லை. எனவே மார்ச் 27 அன்று கார்த்தி நடித்துள்ள கொம்பன் படம் தனியாக களமிறங்கி காசை அள்ளப்போகிறது என்று பலரும் நினைத்தநிலையில் தற்போது கொம்பன் படத்தின் ரிலீஸ் தேதியும் தள்ளி வைக்கப்பட்டிருக்கிறது. தற்போது ஏப்ரல் 2 அன்று கொம்பன் படம் வெளியாக இருப்பதாக சொல்லப்படுகிறது.
இதற்கு காரணம் படத்தில் இடம் பெற்றுள்ள சில வசனங்களுக்கு எழுந்த எதிர்ப்பே என படக்குழு வட்டாரங்கள் தெரிவிக்கின்றன.
|