இயக்குனர் சரவணன் தற்போது, கௌதம் கார்த்திக் மற்றும் லட்சுமி மேனனை வைத்து சிப்பாய் என்ற படத்தில் நடித்து வருகிறார். இந்த படத்தை எஸ்.எஸ்.கிரியேஷன்ஸ் நிறுவனம் தயாரிக்கிறது.
யுவன்சங்கர் ராஜா இந்த படத்திற்கு இசை அமைக்கிறார்.
விறுவிறுப்பாக படப்பிடிப்பு நடைபெற்று வரும் இந்த படம் குறித்து சில சுவாரசிய தகவல்கள் தற்போது வெளியாகியுள்ளது.
இந்தப்படத்தில் கதாநாயகியாக வரும் லட்சுமி மேனன், சமூக சேவை செய்யும் துணிச்சல் மிக்க கல்லூரி மாணவி கதாபாத்திரத்தில் நடித்து வருகிறாராம். இதன் மூலம் ஊர் ஊராக சென்று வீதிகளில் தெருக்கூத்து மற்றும் மேடை நாடகங்களை அரங்கேற்றி சமூகத்திற்கு தீங்கு செய்யும் விஷயங்களை வெளிச்சம் போட்டு காட்டுவாராம். அதிலும் குறிப்பாக தொழிற்சாலையில் இருந்து வெளியேறும் கழிவுகள், தண்ணீரில் கலப்பதால் அதை பயன்படுத்தும் மனிதர்கள் என்னவிதமாக பாதிக்கப்படுகிறார்கள் என்பதை தெருக்கூத்தாக நடித்திருக்கிறார் லட்சுமி மேனன்.
மேலும் இந்த படத்தில் லட்சுமி மேனனின் அறிமுக காட்சியே மதுவுக்கும், புகைபிடித்தலுக்கும் எதிரான மேடை நாடக காட்சியாகத்தான் அமைத்துள்ளார்களாம் படக்குழுவினர்.
|